جە وەرهۆرزو فوڕاتی و شارچێ و ناوچەکێ پارێزگەو دێرزووری، شەڕڤانێ هێزەکانو سوریای دیموکراتیکی-قەسەدە، جە بەردەۋامی دووەمین هەڵمەتو گەردەلولو جزیرەیەنە، درێژە بە پاکسازی و داعشی مڎانە. جەی چوارچێۋەنە جە وەرهۆرزو شارچەو باغۆزی جەنگی فرە قورس و دژۋار چەنی چەتەکان ئەنجام مڎانە، بەڵام تا ئیسە ۋردەکاری و زیانە گیانیێ و مادیەکێ جەنگەکەی نەزانیێنێ.

جەلای تەرەۋە جە شارچەو هەجینی، شەڕڤانێ قەسەدەی ۋەر-ڕەوی فرەشان کەردەن و گورزی فرە قورشان جە چەتەکانو داعشی دان. جە ئیسەنە جە ناوچەکەنە جەنگی فرە سەخت هەن، بەڵام ئاکامەکێ جەنگەکەی نەزانیێنێ.
زانیا هەم جە باغۆز و هەم جە هەجین، شەڕڤانەکێ قەسەدەی بە سەدان کەسێ مەندەنیێشان جە داعشی ڕزگارێ کەردێنێ و فاڕێنێشاۋە پەی یاگێ پارێزیێ و دوور جە جەنگی.

سەرچەمە هەرێمی و نافەرمیەکێ جە هەرێمەکەنە ئاشکراشان کەردەن: جە باغۆز و هەجین ژمارێۋی فرێ چەتێ داعشی کوشیێنێ وبریندارێ بیێنێ. چەمەڕا مەکریۆنە کە سەبای قەسەدە جەی بارەۋە ۋەڵاکریای سەربازی بڎۆنە و وردەکاریەکان بۋزۆنە ڕوو.