جە بەرلین-و پایتەخت-و ئەڵمانیای، دژ بە گۆشەگیرکەردەی و چارەنۋیس-نادیاری ڕێبەر عەبدوڵا ئۆجالانی ۳ ڕۆچێن چالاکی مانگێرتی جە واردەی جە (براندینبورگر تۆر) دەستش پنەکەردەن. جە مانگێرتەکەیەنە ۱٥ کەسێ بەشدارێنێ و مانگێرتەکەی ۱۰ ڕۆچێ بەردەۋام مەبۆنە.

"گۆشەگیرکەردەی سەرۆک ئاپۆی قبوڵ نمەکەرمێنە"

مانگێرەکێ بە ئاژانسەکەیمان فوڕات نیوز-یشان ۋات: "ئامانجمانە بە زوویی کۆتایی بە گۆشەگیری ئیمرالی بەیۆنە و ڕێبەر ئاپۆ چارەنۋیسش ئاشکرا بکریۆنە. تا یاۋای بە ئەنجامی بێگومان دەستبەردارێ چالاکی و کۆشایشی نمەبێمێنە".

چالاکۋانە مەریەم لاچێن ۋاتش: "جە کاسل ئامێنا بەرلین و بەشدارەو مانگێرتەکەی بیێنا تا جە ڕاشەۋە پەشتیۋانی جە لەیلا گیوڤەنێ بکەرۆنە، کە جە زیندانەنە دژ بە گۆشەگیرکەردەی ئۆجالان مانگێۋەن مانش جە واردەی گێرتەن. جە ڕاستینە ئێمە هەرگیز گۆشەگیرکەردەی سەرۆک ئاپۆی قبوڵ نمەکەرمێنە و تا کۆتایی-ئاۋردەی بە گۆشەگیریەکەی جە چالاکی بەردەۋامێ بێمێنە. جەلایێ تەرەوە جە کەسایەتی ڕێبە ئاپۆیەنە خاوەنداری جە گەلی و کۆشا ئازادیەکەیش مەکەرمێنە. ئارۆچ گەلەکەمان هیچ ستاتۆیێش نییە و دەوڵەتە داگیرکەرەکێ مافێ کوردی پاشێلێ مەکەرانە. ئێمە ئانەیە قبوڵ نمەکەرمێنە و تا سەرکەوتەی جە کۆشایشی بەردەۋامێ بێمێنە".

قەدەرە ژەنە چالاکۋانێ تەرەنە و ماچۆنە: "جە هال-وە ئامێنا بەرلین، ئێمە پێسەو ژەنێ و ئەڎێ لایەنگیری جە ئاشتی و چارەسەری مەکەرمێنە. پەی چارەسەری و ئاشتی مشیۆم ڕێبەر ئاپۆ گۆشەگیر نەبۆنە و ئازاد بکریۆنە. هاموەخت دژ بە بڕیارەکەو ئەمەریکای بمدرمێۋە و سەرکۆنەش بکەرمێنە".

چالاکۋان ئەحمەد شایلەمەز جە هالە-وە ئامان بەرلین و ماچۆ: "چالاکی لەیلا گیوڤەنێ فرە گرنگەن، پەشتیۋانیش مەکەرمێنە، مشێۆ گرد کەس و لایەنێ دیموکراتیک پەشتیۋانش ببۆنە".

چالاکۋان مەندەرەس ئەرتوک جە لایپزیگ-ەوە ئامان بەرلین و بەشداری مانگێرتەکەیش کەردەن و ۋاتش: "ئێمە تاوەکو دما هەناسە ئینایمێ چەنی لەیلا گیوڤەنێ و تا ئۆجالان ئازاد نەکریۆنە چالاکییەکێمان بەردەوامێ ببانە".

هیزی هەینی مانگێرەکێ سەردای هەر دۋێ مزگیێ کوردی-شان جە بەرلین کەردێ و دمای نماو هەینی داۋاو پەشتیۋانی مانگێرتەکەیشان کەرد. جە خوتبەو هەینییەنە مەڵێ هەر دۋێ مزگیەکەی پەشتیۋانیشان جە مانگێرتەکەی کەرد و داۋاچشان جە گرد لایێ کەرد تا پەشتیۋانێش ببانە.