جە بەرلین هەزاران کەسێ جە ۲٥مین ساڵیادشەنە قەدەغەکەردەی پەکەکە-یشان بێ بایەخ کەرد و بە ۋاتەی "بژی سەرۆک ئاپۆی و بەرزکەردەی وێنێ ئۆجالانی وئاڵێ پەکەکەی، یەپەگەی و یەپەژەی" شکستشان بە قەدەغەکەیدا.
سەعات ۱۳:۰۰ نیمەڕۆو شەممەی ۰۱/۱۲/۲۰۱۸ی، جە شارو بەلین-و پایتەختو ئەڵمانیای بە پێشەنگی ۷۰ ڕێکۋزیێ مەدەنیێ، دەیان ئەکادیمیێ، داکۆکیکارێ مافەکێ مرۆڤی، هەزاران کوردێ و ئازادیۋازێ تورکێ، ئەڵمانیێ و ئەوروپیێ بە دروشمێ چوون: " ئازادی قەدەغە نەمەکریۆنە، کۆشای هامبەش دژ بە یاساکانو پۆلیسی و قەدەغەکەردەی پەکەکەی و نەژادپەرستی" وێنیشاندای گەورە ئەنجام دریا.
Natürlich darf die gute Musik nicht fehlen! #WegmitdemPKKVerbot
جەماوەر سەرەتا جە رۆتس هاوس و شارەوانیى گەورەو بەرلینی کۆبیێۋە و بە بەرزکەردەی لافیتێ و پۆستەرێ کە سەرشاۋە نۋیسیابێ "پەکەکە جمیەرەن "، "پەکەکە جمیەرو ژەنێن"، "پەکەکە دژە فاشیزمەن" دەستشان بەڕاپیمای کەرد. ڕاپیمەرەکێ هاموەخت بڕیارەکەو ئەمەریکای دژ بە پێشەنگەکانو جمیەری ئازادی ناڕەزایەتیشان نیشانەدا و بە لافیتێ و پۆستەرێ و دروشمێ جەختشان کەردەۋە: "گردیمان جەمیل بایکەنمێ، گریدیمان موراد قەرەیلانەنمێ، گردیمان دوڕان کاڵکانەنمێ" و ۋێنێ و پۆستەرێ هەر یەرە کەسایەتییەکەیشان بەرزێ کەردێۋە.
Und unsere Demo läuft! Die Stimmung ist super! #WegmitdemPKKVerbot
جەماوەری ناڕازی ئاشکراشان کەرد، جە کەسایەتیى قەرەیلان، بایک و کاڵکان -یەنە خاوەنداری جە جمیەری ئازادی کوردی مەکەرانە، کە جمیەرێۋی ڕەۋان و هەرگیز پەراۋێز و گۆشەگیر نمەکریۆنە.
سەرەڕاو فشاری و هۆشداری پۆلیسی بە وێنیشاندەرانی تا دروشمێ بژی سەرۆک ئاپۆی و پەکەکەی بە بەهانێ قەدەغەکەردەیشان نەۋاچانەۋە، بەڵام کەس گۆشداریش نەکەردێ و پەیتا پەیتا دروشمەکێ ۋاچێنێۋە.
AntiCapitalista@antikapitalist2
#b0112 #ANTIFA #TwitterKurds #WegmitdemPKKVerbot #PKK #Kurdistan #berlin 14:27
بەگردی بە درێژایی وێنیشاندای و ڕاپیماکەی ئا دروشمێ واچیێۋە کە ئەڵمانیای قەدەغە کەردێنێ و ئا ئاڵێ و هێما و سومبولێ بەرزێ کریێۋە کە جە ئەڵمانیا قەدەغە کریێنێ. پی جۆرە قەدەغەکەردەی پەکەکە-ی بێ بایەخ کریا و بە تەمامی شکست پنە دریا.
هاموەخت ئاڵێۋە گەورێ پەکەکەی هۆرکریا. هەر چنڎە پۆلیس پافشاریش کەرد تا ئاڵاکێ بگێریۆرە، بەڵام دیسان وێنیشاندەرەکێ قبوڵشان نەکەرد. پۆلیس بە هێرش و پەلامارێ چنڎین جارێ هەوڵشدا ئاژاولێ بنیۆۋە تا چالاکییەکەی بەتاڵ بکەرۆۋە، بەڵام بە ۋریایی جەماوەری هەوڵەکەش مایەپووچ کریاۋە.
جە دماییەنە وێنیشاندەرێ و ڕاپیمەرەکێ کۆبیێۋە و داۋاشان جە ئەنگێلا مێرکلێ کەرد، کۆتایی بە هامکاری ئەردۆغانی و ۋرەتەی چەک و چۆڵەی سەربازی پنەش باۋەرۆنە.
یاگێ بە یادئاۋردەیەن، جە ۲٦/۱۱/۱۹۹۳ی، ۋاتە ۲٥ ساڵێ جەی ۋەڵتەر ئەڵمانیا بە ناڕەۋا و نایاسایی قەدەغەش سەپنا ملو پەکەکە-یەرە و قەدەغەکە تا بە ئارۆ بەردەۋامەن.
