جە جۆله‌مێرگ ١٣ سه‌ربازێ تورکیای کوشیێ
هه‌په‌گه ئاشکراش کەرد: جە جۆلەمێرگ جە ۲ چالاکیێ گەریلایەنە لانی كه‌م ١٣ سه‌ربازێ توركیای کوشیێنێ.
دلێگەو یاونەر هێزەکێ پارێزنای گەلی-هەپەگە، سەبارەت بە چالاکیێ گەریلای و ئۆپەارسیۆن و بۆردومانکەردەی دوژمنی بە ۋەڵاکریا زانیاریش دا و ئاشکراش کەرد:
جە چه‌لێ و گه‌ڤه‌ر ١٣ سه‌ربازێ کوشیێنێ
٢٧/۱۰/۲۰۱۸ی سەعات ١١:٣٠ دەیەقێ نیمەڕۆی، جە ناوچه‌و چه‌لێی کە سەر بە جۆله‌مێرگ-یەن، گەریلاکێ هەپەگەی و یەژەئا ستاری جە دووێ قۆڵێۋە هێرشان کەردەن سەرو بنکە و سەنگەرەکانو سپا داگیرکەرەکەو تورکیای جە بەرزایی شەهید جۆلەمێرگی. جە ئاکامەنە گورزی فرە قورسی مادی و گیانی جە دوژمنی دریان و لانی کەم ۷ سەربازێ کوشیێنێ و ژمارێ تەرێچ بریندارێ بینێ، ۱ بلدۆزەر و چنڎین سەنگەرێ و بنکێ خاپورێ کریێنێ.
۲٦/۱۰/۲۰۱۸ی سەعات ٩:٣٠ دەیەقێ سەرسەبای، جە بەرزایی عەلی شێری کە مەگنۆنە ناوچەو گەڤەرو جۆلەمێرگی، دیسان گەریلاکێ هەپەگەی و یەژەئاستاری جە دووێ قۆڵێۋە هێرشان کەردەن سەرو بنکە و سەنگەرەکانو سپا داگیرکەرەکەو تورکیای و چاگێچە چنڎین سەنگەرێ و ۱ پەناگە خاپورێ کریێنێ و لانی کەم ٦ سەربازێ کوشیێنێ و چنڎینی تەرێ بریندارێ بیێنێ.
جە پیران ئۆپەراسیۆن بێ ئه‌نجام بی
٢٤/۱۰/۲۰۱۸ی، جە دەگاو پره‌ژمانی و دەڤەرو هه‌فتانین-ی سه‌ر به ناوچه‌و پیران-و پارێزگه‌و ئامه‌دی، سپا داگیرکەرەکەو تورکیای ئۆپەراسیۆنش ئەنجام دان و هۆرشانکوان سەرو یانەو خەڵکی و بێڕێز و سوکایەتیشیان پنەکەردێنێ. بەڵام ڕووێ دماتەر ئۆپەراسیۆنەکە بێ ئەنجام کۆتاییش ئامان.
بۆردومان بە فڕۆكێ جەنگیێ
٢٧/۱۰/۲۰۱۸ی سەعات ۱۰:۰۰ تا ۱۱:۰۰و ۋەڵێ نیمەڕۆی، فڕۆكه جه‌نگییەکێ سپا داگیرکەرەکەو تورکیای ملەو شێخ ناسر-و قه‌ندیل-یشان بۆردومان کەردەن. هەمان ڕۆچ سەعات ١٧:٣٠-١٩:٣٠ فڕۆكه جه‌نگییه‌کێ دوژمنی بۆردومانو مێڎانو شه‌هید ڕۆسته‌م-و هه‌رێمو زاپ-یشان كەردەن. بۆردومانەکێ زیانشان بە گەریلای نەیاونان.
