سەرچەمەکێ هێزەکێ سوریای دیموکراتی-(قەسەدە)، جە بارەو جەنگی جە دێرزور دژ بە داعش ئی زانیاریێشە دێنێ:

جە نزیکو دەگاو سووسەی شەڕڤانێ ۲ کیلۆمەترێ تەرێ وەڵڕەۋی-شان کەردەن و گورزشان جە داعشی دان.

جە دەگاو بۆغازی سەرینی کە ٦ کیلۆمەترێ جە سنورو ئێراقی دورەن، جەنگ میانو شەڕڤانان و چەتەکانو داعشی قۆمیان، بەڵام زیانیاری ورد سەبارەت بە زیانەکانو جەنگەکەی بەدەست نەۋزیان.

دەیان هامۋڵاتیێ شارچەو حەجینی جە چەتەکانو داعشی ڕزگارێ کریێنێ و شەڕڤانێ فاڕێنێشانێۋە پەی یاگێ ئارامێ جە شارچەو ئیوای.

تا ۱۲ ئەیلولی ٤۱ چەتێ داعشی کوشیێنێ و ژمارێۋی تەرێچ بریندارێ بیێنێ، بەڵام دمای ئانەیە ئاماری ورد سەبارەت بە زیانە مادی و گیانیەکانو داعشی دەست نەکەوتەن. هاموەخت ۱۰ خاڵێ سەربازیێ داعشی پاکسازی کریێنێ و بڕێ چەک و تەقەمەنی دەستش سەرەرە گیریان.

ئه‌حمه‌د ئه‌بوو خه‌ولە، فەرماندەی گردی ئەنجومەنو سەربازی دێرزوری ئاشکراش کەردەن: "داعش سەرجەم هێز و چەک و تەقەمەنی سوک و قۆرسو وێش جە شارچەو حەجینی قایم کەردەن، ئانێچە ڕزگارکەردەی شارچەکەیش سەختر کەردەن، بەڵام شەڕڤانێ کۆتاییشان پنە باۋەرانە و شارچەکە و خەڵکەکەیش  ڕزگارێ بکەرانە".

ئەبو خەولە کە قسێش پەی ئاژانسو ئانەهای کەردەن ۋاتەنش: "۳ هەزار چەتێ داعشی جە ناوچەکەنە هەنێ و جەنگی فرە قورس ڕووە مڎۆنە".