جە ستۆکهۆڵم-و پایتەختو سویدی، بە بەشداری ژمارێۋ جە حزب و لایەنە سیاسی و مەدەنیەکانو کوردی و ئێرانی کۆبیەی دژو سیاسەتە دژە مرۆیەکانو ڕژێمو ئێرانی ئەنجام دریا.

جە کۆبیەکەنە جە داریدای، هێرش پەی سەرو شۆفێرانو ماشینە باربەرەکان و فشارەکێ سەرو کریکاران و ڕەنجدەرانو کوردستان و ئێرانی سەرکۆنە و شەرمەزارێ کریێ. بەشداربیەکێ داۋاشان جە حکومەتی سویدی و یەکێتی ئەوروپای و ڕێکۋزیا جیهانییە پەیوەندیدارەکان و گرد کەس و لایێ کەرد، تا دژو ئێرانی هەڵۋێست نیشانە بڎانە وبێدەنگی نەبانە. 

 بەشداربیەکێ ئاشکراشان کەرد: ۲ هەفتێن مانگێرتەو شۆفێرەکانو ماشینە بابەرەکان دەستش پنەکەردەن، بەڵام ڕژێم جەجیاتی پەسەندکەردەی داۋاکانشان بە تندوتیژی وەڵامێش دێنێۋە و تا ئیسە ۲۳۸ شۆفێرێشان دەستگیرێ کریێنێ.