جە عەفرین ٤ چەتێ تورکیای کوشیێ
یەپەگە: جە شەرا دژ بە تاقمە چەتەکانو ئەحرار ئەلشەرقییەی چالاکی ئەنجام دریان و جە ئاکامشەنە ٤ چەتێ کوشیێنێ و ۲ تەرێ بریندارێ بیێنێ.
جە عەفرینی داگیرکریا جە بەردەۋامی دووەمین قۆناخ جە مدرامانو سەردەمی، شەڕڤانەکێ یەکینەکانو پارێزنای گەلی-یەپەگە و یەکینەکێ پارێزنای ژەنێ-یەپەژە درێژە مڎانە بە چالاکییەکانشان دژو تاقمە چەتە داگیرکەرەکانو تورکیای.
جەی بارەۋە دلێگەو یاۋنەری یەکینەکانو پارێزنای گەلی-یەپەگە، ۋەڵاکریای سەربازیش دان و ئی زانیاریەشە دان: "هیزی ۲ شەممە جە دەگاو خەزاوییەی کە سەر بە ناوچەو شەرا-یەنە، ماشینێۋی سەربازی تاقمە چەتەکانو ئەحرار ئەلشەرقیەی کریان ئامانج و جە ئاکامشەنە ماشینەکە بە تەمامی دلێنەبریان و ٤ چەتێ کوشیێنێ و ۲ تەرێ بریندارێ بیێنێ، کە نامێشان سەمیر فارس، عەتا خالید قاسم، وەلید عادل جەدو، یەحیا حەلەبی بیەن و جە کوشتوبڕ و تاڵانکەردەی عەفرین و عفرینیەکانە کارا بەشدارێ بیێنێ".
