جە عەفرین چەتێۋی سەر بە ئەحرار شەرقیەی و سەربازێۋی تورکیای کوشیێ
یەپەگە ئاشکراش کەرد: "جە ڕاجۆ و دلێ عەفرین-یەنە شەڕڤانەکێشان چالاکیشان ئەنجام دان و جە ئاکامشانە چەتێۋی سەر بە ئەحرار شەرقیەی و سەربازێۋی تورک کوشیێنێ".
جەی بارەۋە دلێگەو یاۋنەری هێزەکانو پارێزنانی گەلی-یەپەگە، ۋەڵاکریای لەشکریش دان و دلێشەنە ئامان: "۲٥و ئەیلولی جە دلێ شارو عەفرین-یەنە شەڕڤانە قەناس بە دەستەکێشان دژو سەربازە داگیرکەرەکانو تورکیای چالاکیشان ئەنجام دان و جە ئاکامشەنە سەربازێۋی تورک بەنامێ عەلی ئۆکار کوشیان".
"هەرپاسە جە ۲٦و ئیلولی جە دەگاو گوڵی سەر بە ناوچەو ڕاجۆی، شەڕڤانکێمان دژ بە تاقمە چەتەکانو ئەحرار شەرقیەی چالاکیشان ئەنجام دان و چاگێچە چەتێۋ کوشیان و دەستیچ گیریان سەرو چەکەکەیشەرە".
