جە شارو مەریوانی کتێب-و ”خامە و خەیاڵ”ی جەلاو دەزگا و چاپی و پەخشو ”زایەڵە”ی چاپ و ۋەڵاکریاۋە و ۋزیارە بازار و  کتێبخانەو هەورامانی و کوردستانیش زەنگین-تەر کەرد.

بە پاو هەورامان نێتی، کتیٛبەکە قەبارە گەورەن و ٤۱۰ لاپەلیٛن و “عەبدوڵا حەبیبی” گلیٛر و ئامادەش کەردەن و بە هەوڵ و زەحمەتو سنڎوقو پەشتیوانی جە نویسەران هەورامانی و ئەنجومەنو شنەو فەرهەنگو هەورامانی جە شارو پاۋەی ئەرک چاپیش کێشیان و پێشکەشو دوستدارێ شیعر و ئەدەبو هەورامی کریان.
ئی کتیٛبە،هۆرچنیەیۋەن جە غەزەلەکانو ژمارێ جە شاعێرێ نازک خەیاڵ و قەڵەم بەدەستێ ئارۆ هەورامانی پسەو: "سعدی غریبی، فیصل هدایتی، جمال قادرپور، عباس غریبی، یاسر رشیدی، حافظ احمدی، بهروزمحمدپور، فریدون بهرامی، حکمت محمدی". 

۷۰ لاپەڕێ جە سەرەتا کتیٛبەکەی، تەرخان کریان پەی باسکەردەی و هۆرسەنگنای ویەردەو غەزەڵیٛ هەورامیێ  و نامێ چنڎ غەزەڵنویسێ ۋەرینێ و ئارۆ هۆرامانی ئامان پسەو: "شیخ شهاب الدین کاکوزکریایی، صیدی هورامی، سید عبدالله کلجینی، ماریا عزیزی، مهوش درستکار، محمدیوسف رسول ابادی، مومن یزدانبخش، عدنان مرادی، پرویزبابایی، فریدعباسی و سیدرحمان محمودی".

ئی کتێبە ئیسەتێ جە کتێب ۋرەشەکانو هەورامانی(مەریوان-پاوە، نۆدشە، نۆسوڎە و…)دەست مەگنۆنە.