میانگەو چاپەمەنی و یاونەری هێزەکێ پارێزنای گەلی هەپەگە جە ئەرەیاونایێوی لەشکریەنە سەبارەت بە چالاکیێ گەریلاکێ هەپەگە و ژنە گەریلاکێ یەکینەکێ ژەنێ ئازادێ یەژاستاری زانیارییش دێنێ و چەواشەکاری ڕژێمو تورکیاش وست ڕووە.

جە شاخێ ١٣ سەربازێ و کۆنترا گەریلایێ کوشیێ

هەپەگە ئاشکراش کەردەن:

" جە ٧و حوزەیرانی سپا ئەرەگێرەکەو تورکیای، جە بەرزایی چەلێ بوکای سەر بە دەڤەرو کاتۆ خەلیلای کە سەر بە ناوچەو شاخێی پارێزگاو وانیەن، دەستش بە سەر دروستکەردەی سەربازگەی کەردەن.
ڕۆو ٨ی حوزەیرانی سەعات ١٨:٠٠و سەروێرەگای، گەریلاکێ هەپەگەی و یەژاستاری جە چوارچێوەو هەڵمەتو تۆڵەئەسانی شەهید مەدیا ماوا و شەهید ڕزگار گەڤەریەنە چالاکیاشان دژ بە ماشینەکێ سپاو تورکیا ئەنجام دان و جە ئاکامشەنە ١٣ سەربازێ و کۆنترێ گەریلایێ ڕژێمی ئەرەگێری کوشیێنێ و ٢ سەربازێچ بریندارێ بینێنێ".

کوشیێ و بریندارەکێ چەکدارێ یەکینەی تایبەتی دوژمنی بینێ نەک کرێکارێ و مەدەنیێ

"ڕژێمو تورکیا و دەستگا یاونەریەکێش بانگەشەشان کەردەبێ، کە ئا کەسێ کە جە چالاکیەکەنە کوشیێنێ و بریندارێ بیێنێ، گوایا کرێکارێ و کەسێ مەدەنیێ بینێ، بەڵام ئانە دوورەن جە ڕاستییەوە و بەڵکو کوشیێ و بریندارەکێ چەکدارێ یەکینەی تایبەتی دوژمنی بینێ".

جە مێردین دوژمن ئۆپەراسیۆنش ئەنجام دان و ٢ گەریلێ شەهیدێ بینێ

"شەوەو ٤و حوزەیرانی، جە بەرزایەکانو ناوچەو مەهسەرتێی سەر بە پارێزگاو میردینی سوپا ئەرەگێرەکەو تورکیا ئۆپەراسۆنش ئەنجام دان و ناوچەکەش بە چڕی بۆردومان کەردەن و جە ئاکامەنە ٢ گەریلێمان شەهیدێ بینێ و دمارە شناسنامەکانشان پەی راو گردیی وەڵاوێ مەکەرمێوە".