ئێۋارەگا ئارۆ ٤ شەممەی، جە ملەگاو سۊنی کە مەگنۆنە میانو شارەکانو نۆسوڎێ و تەۋێڵێ سەر بە هەرێمو هەورامانی، هێزە نیزامیەکێ ئێزانی تەقەشان جە کۆڵبەرێۋی بەنامێ (عەزیم ئەحمەدی) خەڵکو دەگاو تەشاری سەر بە شارستانو پاۋەی کەردەن و شەهیدشان کەردەن.

دمای تەقەکەردەکەی، هاموڵاتیێ نۆسوڎێ لۋێنێ ملەگا سۊنی و تەرمو کۆڵبەرە کوشیاکەیشان ئێستەنەۋە و بەردەنشان نەوەشخانەو شارەکەیشان.

یاگێ ئاماژەیەنە، نەبییە و هەژاری و بە سیستیماتیک شێۋنای ئابوری هەورامانی و کوردستانی، بەناچاری دەیان هەزارێ جە هاموڵاتیانیش ناچار بە کۆڵبەری جە مەرزەکانو پانیشت و وەرهۆرزو کودستانی کەردێنێ و ساڵانە بە تەقەو هێزە جیا جیاکانو ئێرانی دەیان کۆڵبەرێ شەهیدێ و بریندارێ و کەمئەندامێ بانە.