ڕژێمە ئەرەگێر و دژە کوردەکەو تورکیای جە ١٩٨٠کانەوە تا بە ئارۆ هێرشێ و بۆردومانەکێش پەی سەرو پانیش (باشور)و کوردستانی  درێژەشان هەن و جە؟ئاکامشانە سەدان هاموڵاتیێ شەهیدێ و بیندارێ بیێنێ. هامکات هەزاران هاموڵاتیێ تەرێچ کۆچبەرێ بیێنێ و بەناچاری زادگاو وێشان ئاستن جیا.
قەزا (شارستان)و ئامێدی و ناوچەو شیلادزێ یۆنێ جە ناوچە زیانبارەکانو پانیشتی و فرەتەرین شەهیدێ و بریندارێشان دێنێ و زیانی ماددی و ژیوگەیشان پنەیاوان.
بە پاو پەیجۆری و ونەکۆڵیای کە جە ئی بارەوە کریان، جە ٣ ساڵێ ویەردێنە جە ئامێدێ و شیلادزێ  بە هێرشێ و بۆردومانەکێ تورکیای ئەرەگێری  ٢٨ هاموڵاتیێ شەهیدێ بیێنێ و ١٣ هاموڵاتیێچ بریندارێ بیێنێ و زیانی فرەی ماددی جە موڵک و ماڵو هاموڵاتیانی و ژیوگە و دارستانێ و لەوەڕگانو ناوچەکەی دریان و ژمارێوی فرێ دەگایێ و مەزرێ و ڕەزێ و باغێ چۆڵێ کریێنێ.
 

هەرپاسە جە دمایین بۆردومانو باڵە فڕە جەنگیەکانو تورکیایەنە، جە شیلادزێ ٦ هاموڵاتیێ شەهیدێ بیێنێ کە شناسنامێ ٥شان ئاشکرێ کریێ بێنێ.

نامێ ٢٨ شەهیدەکەی بە ئی شێوەنە:

١ـ صدقی‌سنجی رێکانی
٢ـ حەکیم کریادێری رێکانی
٣ـ سیداد سیدانی رێکانی
٤ـ جەگەر سیدانی رێکانی
٥ـ عەلی سیدانی رێکانی
٦ ـ عسمەت سیتەی رێکانی
٧ـ شەعبان دهیکی رێکانی
٨ـ فاخر سارکی رێکانی
٩ ـ ئازاد پێپەرخی رێکانی
١٠ـ وەحید پێپەرخی رێکانی ببێسەروشوین
١١ـ رێدار شاجی رێکانی بێسەروشوین
١٢ـ بەختیار هێتیتی
١٣ـ زیاد هێتیتی
١٤ـ تاهر نێروا سیتوی دوسکی
١٥ـ مەجید نێروا سیتوی دوسکی
١٦ـ رەمەزان نێروا سیتوی دوسکی
١٧ـ  رەمەزان محەمەد عەبدلرحیم ئەرەدنی 
١٨- ئیسماعیل حەسەن قەبلان ئەرەدنی
١٩- دلوڤان صالح حەسەن ئەرەدنی
٢٠- حسێن بەنستانی رێکانی 
٢١- خەلیل ئیبراهیم سیدانی رێکانی
٢٢- جەلال نورەدین نێروەی
٢٣ـ سەید جه‌لال نوره‌دین محیه‌دین نێروەئئ 
٢٤ـ موخلس ئادەم رێکانی 
٢٥ـ ئازاد مەهدی رێکانی 
٢٦ـ دیمان عومەر ئورەماری
٢٧ـ ئەمین سەلاح حەسەن گێلکی بەرواری
٢٨- نەوزاد مستەفا ئیسلام
پەنج نامەکێ دمایی هینێ ئا هاموڵاتیانێ کە  جە بۆردومانەکەو ڕۆو هەینی ویەردەو  شیلادزێ-نە شەهیدێ بیێنێ

سەمەرە ئانە سەرو شەهید و برینداربیەی ئا سەدان هاموڵاتیەیە، تا ئیسە حکومەتەکێ هەرێمو کوردستانی و ئێراقی یەک دۆسیەشان دژ بە تورکیای نەکەردەنەوە و هیچ سکاڵایێوی یاساییشان سەرش تۆمار نەکەردەن. تەنانەت دەسەڵاتدارێ هەرێمی ڕاشان ب کەسوکارو شەهیدەکان نەڎێنە تا سکاڵا دژ بە تورکیای تۆمارێ بکەرانێ. هاموەخت سەرجەم ئا هاوڵاتیێ کە شەهیدێ بیێنێ جە دۆسیەکانشانە ئاماژە بە شەهیدبیەشان جەلاو تورکیایەوە نەدریان و بەگردی تاوانەکێ تورکیای پەردەپۆشێ کریێنێ. هەڵبەتیە ئانەیچە ناڕەزایەتی کەسوکارو قوربانەیەکاش شۆنیەرە ئومان، بەڵام دەسەڵاتدارێ هەرێمی گۆش بە ناڕەزایەتیەکەی نمڎانێ.