جە پاۋە “ئێش و ڕێش”و ئامینە ئەشرافیێ ۋەڵا کریاۋە
جە پاۋە شار پەڕتوکو “ئێش و ڕێش”ی کە شعرێ (ئامینە ئەشرافی)ێ جە وێ مەگێرۆنە جەلاو ئەرەمەرزیاو پەخشو ئارۆی ۋەڵا کریاۋە.
جە پاۋە شار جە بەردەۋامی کارە ئەدەبی و هونەری و فەرهەنگیەکان پەڕتوکو “ئێش و ڕێش”ی کە شعرێ (ئامینە ئەشرافی)ێ جە وێ مەگێرۆنە جەلاو ئەرەمەرزیاو پەخشو ئارۆی تایپ و چاپ کریا و ۋەڵا کریاۋە و ۋزیانە بازاڕ.
جەی بارەۋە پاۋە پرێس ۋەڵاشکەردەۋە: جە ۋاچەو سەرەتایەنە کە حەبیبوڵا مستوفەوی پەی پەرتوکەیش نۋیستەن، باس جە دلێئاخن کتێبەکەی و شعرەکان و توانایی ڕۆحی و ئەدەبی و وەش خەیاڵی خاتوو ئامینە ئەشرافیێ کریان.
ئامینە ئەشرافییە کناچێ کۆچکەردەی حاجی شێخ محەمەد نەجیبی ئەشرافی، جە ۱۳۲٦ وەرەتاۋی جە خانەگاو نزیکو پاۋەی جە ئەڎێ بیێنە و هەر جە زارۆیی تێکەڵە بە ئەدەب و وێژەی بیێنە و شعرەکێ شاعرانو هەورامانی پێسەو مەولەۋی و مەولانا خالدی کاریگەریشان سەر نیێنەرە.
خاتوو ئامینە هەر چنڎ فێرگەی فەرمی و حکومەتیش نەڎیەن، بەڵام جە فێرگەو یانەی و تاتێشنە نوسیتەی و ۋەنەی بە باشی فێرە بیێنە و جە ۱۳٦٥ شعرێش ۋاتێنێ و نۋیستێنێ. پەرتوکی نامبریا کە ئیسە چاپ و ۋەڵا کریانەۋە، شعرەکانو ساڵانو ۱۳٦٥ی تا ۱۳۹۷ی وەرەتاۋی جە وێ مەگێرۆنە و گوزارێۋەن جە ژیۋای و یادەۋەری خاتوو ئامینەی.
دڵ پەی دەردەکەی ئێش تۆ ڕێشەن
مەپەرسان چەنەم دەرد تۆ چێشەن
***
کاکـــــه به فــــەدٚای دەردی کاریت بــــام
فەدٚای ئێش و ڕێش شەو بێداریت بام
