جە ڕەقا ئاساییشی دلین ۱٤ چەتێ داعش-یش دەستگیرێ کەردێ
جە ڕەقا هێزەکێ ئاساییشی دلینی ۱٤ چەتێ داعش-یش دەستگیرێ کەردێنێ کە جە تورکیاۋە فەرمانشان پنە دریان و چەنڎین کەردێ تەرۆرستیشان ئەنجامێ دێنێ.
ئاساییشو شارو ڕەقای سەبارەت بە دەستگیرکەردەی شانە وتەکەو داعشی ئەرەیاۋنایێۋش دان و ئاشکراش کەردەن:
"شانەکە وەتەکە ۱٤ چەتێ جە وێ مەگێرۆنە"
هێزەکێ ئاساییشی دلینی جە ڕەقا، جە دمای پەیجۆر و چەمداری کە ۳ مانگێش خاینان، شانێۋی وتە و مەتەرسیدارو داعش-یشیان ئاشکرا و دەستگیر کەردەن. شانەکە ۱٤ چەتێ ئەندامێشەنێ و ۳شان ژەنیەنێ و هامسەرەکێشان سەرچەتێ (ئەمیرێ) داعشیەنی.
"چەتەکێ شانەکەی کۆنە داعشێنێ ئەرکی جیا جیاشان پنە ئەسپاریێنێ"
هەر یۆ و هەر ویۋە جە چەتەکان ئەرکی جیێ جیێشان بیێنێ و جە ناوچەکان ڕۆژاڤاو کوردستانی و سوریای کە؟جەلاو تورکیایەۋە گێریێنێرە و جە هەرێمێ و ناوچەکێ وێسەری دیموکراتی جە سەرنیشت و وەرهۆرزو سوریای چالاکێ بیێنێ و ئەرکشان پنە ئەسپاریان. جە دمای ۋنەکۆڵای سەرەتایی خویا (ئاشکرا) بییەن؛ ئەندامێ شانەکە وەتەکەی سەرجەمشان جە دروستبییەی داعشیەۋە پەیۋەستێ ئا تاقمە چەتەگەریەیە بیێنێ و کارێ و ئەرکێ جیێ جیێشان پنە درێنێ چوون؛ ماشینێ و ماتۆڕسکلیتێ بۆمبڕێزکەردەی، بۆمبێ جۆراوجۆرێ دروستکەردەی، دابینکەردەی چەک و تەقەمەنی و تفاقی سەربازی و جاگە و یانە، کاراسانی پەی هامۆشیێ و ئاۋردەی و بەردەی چەتەکان.
"جە تورکیاۋە فەرمان بە شانەکەی دریان"
۱٤ ئەندامەکێ داعشی کە جەم ڕەقا دەستگیرێ کریێنێ، جەلاو سەرچەتێۋی کە بە (دکتۆر) ئەشناسیان جە تورکیاۋە فەرمانشان وەرگێرتەن و تا دەستگیرکەردەیشان چەنڎین کەردێ وێکوشیێ و تەرۆرستیێشان ئەنجامێ دێنێ کە جە ئامشانە دەیان کەسێ مەدەنیێ شەهیدێ و بریندارێ بیێنێ و بەرنامەشانە بییەن چەنڎینی کەردێ تەرێ ئەنجامێ بڎانە.
"شناسنامێ ۱٤ چەتە دەستگیرکریێکێ داعشی"
هێزەکێ ئاساییشی دلینی جە ڕەقا شناسنامێ ۱٤ چەتە دەستگیرکریێکێ داعش-شیان پی جۆرە ئاشکرا کەردێنێ:
معاويە عبد القادر جە ۱۹۹۷ جە حەلب جە ئەڎێ بییەن
باسل ئەسعە ئەلتەمو جە ۱۹۹۸ جە مەیادین-دێرزوور جە ئەڎێ بییەن
ئیبراهیم حەسەن ئەلحەجی جە ۱۹۹۰ جە ڕەقا جە ئەڎێ بییەن
مەحەمەد خەلەف تاهیر جە ۱۹٦۱ جە دێرزوور جە ئەڎێ بییەن
ئەحمەد ئەلمەرعی عەبدوڵا جە ۱۹۹٥ جە ڕەقا جە ئەڎێ بییەن
ئەحمەد جەراد ئیبراهیم جە ۱۹۹۲ جە ڕەقا جە ئەڎێ بییەن
عەبدوڕەحمان عەلی خەتیب جە ۱۹۹٥ جە حەماە جە ئەڎێ بییەن
حەیدەر ئەحمەد ساڵح جە ۲۰۰۱ جە سەفیرە جە ئەڎێ بییەن
ئەحمەد سەعید غەلەف جە ۱۹۸۹ جە ڕەقا جە ئەڎێ بییەن
موحەمەد خالد کەبیب جە ۱۹۸۸ جە دێرزوور جە ئەڎێ بییەن
حەمزە عەبدولڕەزاق عەتیە جە ۱۹۹۳ جە حمس جە ئەڎێ بییەن
عائشە حەسن حوسین جە ۲۰۰۲ جە مەیادین-دێرزوور جە ئەڎێ بیێنە
ئەنوارە جاسم ئەلسەید جە ۱۹۹۷ی جە ئەڎێ یێنە و هامسەرەو سەرچەتە (ئەبو حەنیفە ئەلشامی)یەنە
ئایە یاسر ئەحمەد ساڵح جە ۲۰۰۳/تادف-حەلەب-ی جە ئەڎێ بیێنە و دووەم هامسەرەو سەرچەتە حەمزە عەتیە-یەنە
