جە کۆنسەو ئەوروپای کۆنفڕانس سەرو گۆشەگیری ڕێبەرو گەلو کوردی عەبدوڵا ئۆجالانی ڕێکۋزیا. جە کۆنفڕانسەکەنە کە بە سەرپەرشتی فڕاکیسۆنو چەپەکان بریاڕاۋە، په‌روین بووڵدان هامسه‌رۆكەو (هه‌ده‌په‌)ی، سه‌ربای كۆكلو پارێزه‌رەو ئۆجالانی، دیله‌ك ئۆجالان په‌رله‌مانتارە وەرینەو هه‌ده‌په‌ی، فه‌له‌كناس ئووجا په‌رله‌مانتارە هه‌ده‌په‌ی و پۆڵات یڵدرم براو هامیلی یڵدرمی (یۆ جە بەندکریاکانو ئیمرالی) و ژمارێۋ جە پارلەمانتارە ئەوروپیەکان بەشدارێ بیێ و قسێشان کەردە.

جە قسەکانە، سەرنج ۋزیا سەرو گۆشەگیری و ئەشکەنجەی کە  جە ئیمرالی دژ بە ڕێبەر ئۆجالانی پەیڕەو مەکریۆنە و ڕەخنە جە ئەوروپای و جیهانی و سی پی تی کۆمیتەو دژە ئەشکەنجەو ئەوروپای گیریا کە ۋەراۋەرش بێدەنگێنێ و داۋاشان ۋنە کریا خاوەن هەڵۋێستێ بانە و گۆشەگیریەکەی بکەرانە ئاژەو ۋێشان و کیساتێۋ سەردای ئیمرالی بکەرۆنە تا چارەنویسو ئۆجالانی ڕۆشن ببۆۋە.