دۆناڵد ترامپ، سەرۆک کۆمارو وڵاتەیۆگێرتەکانو ئەمەریکای، جە ئەگەرو دەستپنەکەردەی ئۆپەڕاسیۆن و هۆرگیرسنانی جەنگی جە ئیدلب کە سەر بە سوریایەن و ئیسە ئینا چێرو دەسەڵاتو تاقمە چەتەکانە.

ترامپ واتەنش: نزیک بە ۲ ملیۆنێ خەڵکی مەدەنی ئیدلب-ـەنە مژیۋانە و ئەگەر ڕژێمو سوریای ئۆپەڕاسیۆن ئەنجام بڎۆنە، جەنگی دژۋار قۆمیۆنە و ئەگەر هەن مەدەنیەکێ کۆمەڵکوشێ کریانە. بەقسێ ترامپی، ئانێچە توڕەیی ئەمەریکای و گلێرگەی میاندەوڵەتیش دمارە مەیۆنە.

وەڵتەر ئەمەریکا، ڕژێمو ئەسەدیش جە بەکاربەردەی چەکی کیمیاوی جە ئیدلب وریا کەردەبێ و دەستنیشانش کەردەبێ، ئەمەریکا بە تنڎی ڕووبەڕووش مەبۆۋە.

هەر جەی چوارچێۋەنە پەنتاگۆن ئاشکراش کەردەبێ، ڕووسیا پەی کۆتایی ئاۋردەی بە بییەی ئەمەریکای جە سوریا هەڵمەتێش دەست پنە کەردێنە و جەی بارەۋە ناڕەزایەتیش نیشانە دابێ.

ئیدلب کە پارێزگایێ سوریایەن و هامسنورەن چەنی تورکیای، ئیست ئینا چێرو دەسەڵات و کۆنترۆڵو تاقمە چەتەکانو سەر بە تورکیای کە گرنگتەرینشان جەبهەت ئەلونسرەن کە سەر ئەقاعدەیەن و نامێ وێش پەی تەحریر ئەلشامی فاڕێنە و لیستو تەرۆریەنە نامێش تۆمار کریێنە. هەر پاسە دمای شکستدای داعشی جە ڕۆژئاڤا و باکورو سوریای، زمارێۋی فرە جە چەتەکانو داعش بە پەشتیۋانی و هامکاری تورکیا بریێنێ ئیدلب و عەفرین چەکدارێ کریێنێ.