وەڵاوگەو ئاروٙی جە پاوە وەڵاوش کەردەو کە دیوانو شیٛخ مسەفاو تەختەی چاپ بیەن و کەوتەن وردەسو وانەراش. دیوانو شیٛخ مسەفای کە ئنتشاراتو ئاروٙی چاپکەردەن، جە لاو حەمەڕەشیڎ ئەمینی جەم کریانەو واوەی نویستەنشەو ڕیٛکش وستەن، شیٛخ مسەفا ساڵەو ( 1586 عیسایی پەیڎا بیەن و ساڵەو 1668 مەردەن) ( 951 – 1047 کوٙچی) .جە دەگاو تەختەی / ژاوەروٙی.

شیٛخ مسەفا سەرقافڵەو ئەدەبو هەورامین( گوٙران)، سەرنجە دەیدیٛ وەڵیٛ فیٛشتەر جە چوارسەڎ ساڵا بە زوانی هەورامی شیٛعریٛش واتیٛنیٛ، شیٛعرەکیش ئننە زەراڵیٛنیٛ، ئەجوٙ ئیسە کەسیٛوە هەورامی زوانی نویستیٛنیٛ.

دەسوەشی پەی کاک حەمەڕەشیدی کە ئەرکو ئەوەنویستەی ئی دەسنویسەشە وستەن سەروشانەیش و خزمەتێوە تەرش وستەن سەرو خەرمانەکاش و ئەدەبو هەورامی (گوٙران) .

زوانی هەورامی شانازی مکەروٙ بە دەیان شاعیریٛ وەڵینش کە ویەردەشا گیٛڵوە پەی فیٛشتەر جە هەزارو یەرەسەڎ ساڵا چیٛوەڵی، بە زوانی هەورامی سەڎان دەس نویستیٛشا هەنیٛ و ئیساتیٛ جە موزەکاو ئەڵمانیای و ئینگلیزی و ئیٛرانی پەڕیٛنیٛ چی گەوهەرا، کەسانیٛ ئەدەب دوٙسیٛ کەلک گیٛرا چی گەوهەریە، نمونەشا فرەبوٙ .

سەرچەمە:
هەورامان نێت
د.ناجح گوڵپی