پەلیانەو مافو مرۆڤو کوردستانی وەڵاوش کەردەنەوە کە (زەینەب جەلالیان)ژەنە بەندکریێ کوردی جە زیندانو قەرەچەکوی سەر بەشارو وەرامینی تووشەو نەوەشێ کۆرۆنای بیێنە و باری تەندروستیش تێکشیەن.
پەلیانەکە جە ئی بارەوە زانیاری زیاتەرش دان و ئاشکراش کەردەن: "زەینەبە دمای تووش بییەش بە کۆرۆنای پەی چارەسەری ڕەوانێ نەوەشخانەی جە بەرو زیندانی کریێنە. تیمی پزشکی تەندروستی نامبریێش مەتەرسیدار زانان و وازیارەن تا جە یاگێوە تایبەتەنە چەمداری تەندڕوستی کریۆنە.، بەڵام کاربەدەستێ ڕژێمو ئێرانی گۆشداری هۆشداری تیمی پزشکیشان نەکەردەن و جارێوتەر زەینەبەشان بەردێنەوە زیندان و چەنی ژەنە زنیدانیێ کوردی (سوهەیڵا حیجاب)ی  جە بەشوو قەرەنتینەیەنە گل دریێنوە.

 بەپاو دمایین زیانیاریەکان جە زیندانەکەوە ڕۆ بەڕۆ جەلالیانە باری تەندروستیش خرابتەر مەبۆنە و کەمتەرغەمی دەسەڵاتی ژیوایش وستێنە مەتەرسی جدی.

یاگێ باسیەنە کە (زەینەب جەلالیان) ساڵەو ٢٠٠٨ جە لاو هێزە ئەمنیەکێ رژیمو ئیسلامی ئێرانیەوە بە تاوانو ئەندامیەتی جە پارتو ژیواو ئازادو کوردستانی – (پژاک)ی قۆڵبەسە و زیندانییە کریا و جە یۆهەمین دادگانە کە بە شێوازینماییشی لواڕاوە بڕیارو جەداردایش دریابێ و دماتەر بەهۆکارو نارەزایەتیەکان دژ بە بڕیارەکەی جە دلێ و بەروو وەڵاتی، ڕژێم ۆاچار بی تا سزاکێش فاڕۆنە بە زیندانی هەتاهەتایی.
جەلایانە  کە نزیکە بە ١٣ ساڵان ئینا زیندانەنە، فرە جارێ ڕووبەڕووەو ئەشکەنجەی دەرونی و جەستەیی و فشارێ جۆربەجۆرێ بیێنەوە و جە فرێوە جە مافەکاش جە زیندانەنە بێبەشە کریێنە و ئانێچە کاریگەریش کەردەن سەرو تەندروستیش و تووشەو چەندین نەوەشیان بیێنە.