ئارۆ وێرەگا جە شارو بانەو وەرهۆرزو کوردستانی، ماشینێ کە سەرنشینەکێش (ڕەحیم زەبیحی) سینەماکار و بەرئاۋەری سینەمایی نامی کوردستانی و ئێرانی و (کەیوان زەبیحی) برایش بیێنێ، تووشو ڤییەرێ هامۆشیێ بییەن. ڤییەرەکە نزیک جە دەڤەرو نێزەڕۆی ڕووەش دێنە و ماشینەکە ئێرش گێرتەن و سوتەن و دەرەنجامشەنە ڕەحیم و کەیوان زەبیحی گیانشان جەدەست دان.

چنڎ سەرچەمێ هەرێمیێ بانەی و ۋەرهۆرزو کوردستانی گومانشان جە ڤییەرەکەی هەن و شیمانە مەکەرانە کە پلانکریا بۆنە و ئامانج چنەش کوشتەی ڕەحیم و کەیوان زەبیحی بییەبۆنە. بەڵام شیمانەکە بە فەرمی پەشتڕاست نەکریانەۋە.

ڕەحیم زەبیحی جە بانە جەئەڎێ بییەن و سینەماکار و بەرئاۋەری فیلمی سینەمایی نامی بییەن هەم جە کوردستان و ئێران هەم جە وەرهۆرزی میانی و جیهانەنە کەسێ دیار و ئەشناسیا بییەن و خاوەن ژمارێۋی فرێ فیلمێن، کە گرنگتەرینێشان بریتیێنێ جە:

“هاوار”، “سەتەلایت”، “کۆتایی جەنگی”، “ئا پیا کە لۋا پەی سەیرانی”، “ساتە مەزادکریێکێ”، “تەرۆریستێ ۋەزۆرە”، “دمایین ڕۆچ ”، “ئیسترێس″، “سەماو ڕەنگەکان”، “ژانەو ئەرەبڕیای ئەبەدی”، “وڵاتو ئەفسانەی” ، ”ئا ڕۆچە بابە نۆئێل گرەۋا“.

ڕەحیم زەبیحی بەشداریش جە چنڎین ڤێستڤاڵێ کوردستانیی، ئێرانیی و جیهانییەنە کەردەن و چنڎین خەڵاتێش بەردێنێۋە.