جەی بارەۋە کۆشکو ئیلیزەی بە ۋاڵاکریێۋ ئاشکراش کەرد: " هەردۋێ سەرکۆمارێ ئەمەریکای و فەڕەنسای دۆناڵد ترامپ و ئیمانۆئل ماکرۆن بە پەیوەندی تەلەفۆنی سەبارەت بە ئاژە گەرمەکانو ڕۆچی بە تایبەتی سوریای قسێشان کەردێنێ و هەڵۋێستو وێشان یۆۋستەن".

 ئیلیزێ دەستنیشانش کەردەن: "ماکرۆن و ترامپ جەختشان جە یەک هەڵۋێستیشان سەبارەت بە کۆبییەو ئەستەنبوڵی کەردەنەۊە، کە بڕیارەن بە بێ ئەمەریکای ۳ شەممەی ئایندە بە بەشداری سەرۆک کۆمارەکانو ڕووسیای، تورکیای، ئەڵمانیای و فەڕەنسای دەربارەو سوریای ئەنجام بڎریۆنە".

بە پاو ۋەڵاکریاکەی، فەڕەنسا ۋازیارەن ئێربەس جە ئیدلب درێژ بکریۆۋە تا هامکاری مرۆیی زیاتەر پەی ئا پارێزگا سورییە ڕەۋانە بکریۆنە. هاموەخت فەڕەنسا داۋاش جە وڵاتە بەشدارەکان کەردەن، تا بڕیاری جدی سەبارەت بە ئیدلب و سوریای بڎانە و کۆمیتێۋی هامبەش بە سەرپەرشتی نەتەوە یۆگێرتەکان پەی چارەسەری و نویستەی دەستوری بنەڕەتی سوری دروست بکریۆنە و جە کۆتایی ۲۰۱۸ یەنە کۆبییەی پەی چارەسەری ڕێکبۋزیۆنە.

یاگێ ئاماژەیەن، کە کۆبییەکەو ۳ شەممەو ئایندەو ئەستەنبوڵی سەرو داۋا ڕژێمو تورکیای ئەنجام مڎریۆنە و ئەردۆغان گەرەکشەن جە میانشەنە دژایەتی ڕۆژئاڤا و سەرنیشتو سوریای بکریۆنە و زیانش پنە بیاونۆنە و بازاری و مامەڵەی چەپەڵش پۆۋە بکەرۆنە. بەڵام بە پەیوەندیە تەلەفۆنیەکەو دۆناڵد ترامپی و ئیمانۆئل ماکرۆنی و ۋەڵاکریاکەو کۆشکو ئیلیزەی ئاشکرا مەبۆنە؛ "ئاستمەن تورکیا و ئەردۆغان بە ئامانج بیاوانە و بتاوانە ڕووسیا، فەڕەنسا و ئەڵمانیای ڕازی بە دژایەتی کەردەی ڕۆژئاڤا و سەرنیشتو سوریای بکەرانە، کە هیز و ئارۆچ ئاڎێ بیێنێ کارا جەنگو داعشی و تەرۆریشان کەردەن و مەکەرانە و جە سوریا و وەرهۆرزی میانیەنە بەرەو بنەبڕبیەی مەبەرانەشان. بەڵام جە ۋەراۋەرەنە هیز و ئارۆچ ئانە ئەردۆغان و ڕژێمەکەشەن کە هامکار و هامپەیمانی سەرەکی داعشیەن و ئانێچە جە هیچ کەس و لایێ و وڵاتێ ئەوە شاریا نییەن و ئاشکران و هەر چنڎ هەفتێ ۋەڵێ ئیسەیە بێ کە گەورە جەنەراڵێ ئەمەریکی ئاشکراش کەردەبێ، کە تا ئیسێچ ڕۋانە ۱۰۰ کەسێ بیانیێ جە ڕاو تورکیایەۋە پەیوەندی بە داعشی مەکەرانە.