ئارۆ هێزەکێ سوریای دیموکراتی-قەسەدە، دەربازێ دلێ شارچەو سووسەی بیێ کە سەر بە پارێزگەو دێرزوورو وەرهۆرزو سوریایەن و تا ئیساتە جەنگی قورس دلێشەنە ڕووە مڎۆنە. جەی بارەۋە دلێگەو یاۋنەری قەسەدەی جە ۋەڵاکریێۋەنە ئاشکراش کەردەن: "جە دمایین هەڵمەتو گەردەلولو جزیرەی، کە پەی کۆتایی-ئاۋردەی بە داعشی و تەرۆری ئەنجام مڎریۆنە، ئارۆ ۲ شەممە ۲۲ ئۆکتۆبەری شەڕڤانەکێشان دمای جەنگی قورسی و گورزدای جە چەتەکانو داعشی دەربازێ دلێ شارچەو سووسەی بیێنێ و نیمەو شارچەکەی جە داعشی پاکریانەۋە".

قەسەدە دەستنیشانش کەردەن: "جە ئیسەنە جەنگی دژوار دلێ شارچەکەیەنە ڕووە مدۆنە و شەڕڤانی جە جەنگەکەنە زاڵێ و باڵادەستێنێ".

سووسە شارچێۋەن جە باشور و ورهۆرزو دێرەزووری و جە دمایین مۆڵگەکانو داعشیەن جە سوریا و پێگە و ناوەندێۋی گرنگەن پەی چەتەکان. بە ڕزگارکەردەی شارچەکەی گورزی فرە قورس جە داعشی مڎریۆنە و سنورو دەسەڵاتی و داگیرکاریشان زیاتەر ۋەرتەسک مەکریۆۋە و ڕوو بە کۆتایی مەبەرۆنەشان.