شەڕڤانێ۳ کیلۆمەترێ چۋارگۆشەشان جە داعشی ڕزگارکەرد و ۲۳ چەتێ کوشیێ
وەرهۆرزو فوڕاتی و حەسەکە: جە بەردەۋامی دمایین قۆناغ جە هەڵمەتو گەردەلولو جزیرەی، شەڕڤانێ ۳ کیلۆمەترێ چوارگۆشەی تەرشان جە داعشی پاک کەردەۋە و ٢٣ چه‌تێ کوشیێ.
جەی بارەۋە دلێگەو یاۋنەری و چاپەمەنی هێزەکانو سوریای دیموکراتی-قەسەدە، ۋەڵاکریای سەربازیش دان و ئامارو جەنگی و زیانەکانو چەتەکانو داعشیش جە ۲مین ڕۆچو دمایین هەڵمەتو گەردەلولو جزیرەی جە وەرهۆرزو فڕاتی و کانتۆنو حەسەکەی ۋستەن ڕووە و ئاشکراش کەردەن:
«جە بۆخازای سه‌رین، داعش هێرشش کەردەن سەرو شەڕڤانەکانو قەسەدەی، بەڵام شەڕڤانێ قارەمانانە ڕووبەڕووشان مدرێنێ و سەرەڕاو شکستدایشان و جە هێرشی پێچەۋانەنە۹ خاڵێ ستراتیژی تەرێچشان جە چەتەکان پاکێ کەردێنێ و ڕووبەرێۋی ۱ کیلۆمتەر چوارگۆشەییشان چنە پاکسازی کەردێنێ و ۲۳ چەتێ کوشیێنێ. هاموەخت مینی نریاۋە تەقانەۋە و جە ئاکامەنە ۲۰ شەڕڤانێش بریندارێ کەردێنێ.».
«هەرپاسە ج باخۆز شەڕڤانەکێ قەسەدەی هێرش و پەلامارەو چەتەکانشان ماڕان و بە هێرشی پێچەۋانە ۷ خاڵێ تەرێ چەتەکانشان پاکسازی کەردێنێ و یەک کیلۆمەتر چۋارگۆشە ڕزگار کریان. بە گردی جە هەر دۋێ قۆڵەکەۋە ڕووبەرێۋی ۳ کیلۆمەتر چوارگۆشەیی جە چەتەکان پاک کریانەۋە».
«جە هەڵمەتەکەنە هێزەکێ هامپەیمانی میاندەوڵەتی دژ بە داعشی بە بۆردومانی ئاسمانی و مووشەک و تۆپ-ۋاران کەردەی چەتەکانو داعش بەشدارێ بینێ و زیانشان پنە یاونێنێ».
