قەسەدە: جە دێرزوور ١٨ چه‌تێ داعشی کوشیێ و مۆزان ئازاد کریا
قه‌سه‌ده ئاشکراش کەرد: جه ٢٤ سەعاتێ ۋیەردەنە جە وەرهۆرزو فوڕاتی ۱۸ چەتێ تەرێ داعشی کوشیێنێ و فڕۆکێۋی بێفڕۆکەۋان ۋزیانەرە و دەگاو مۆزانی ئازاد کریێنە.
دلێگەو یاۋنەری هێزەکانو سوریای دیمۆکراتیکی-قەسەدە، بە ۋەڵاکریای سەربازی ئامارۊ ۲٤ سەعاتێ ۋیەردەی جەنگی و ئۆپەراسیۆنیش جە دێرزوور و وەرهۆرزو فوڕاتی پی جۆرە ئاشکرا کەردەن:
"باخۆز"
شەڕڤانەکێمان چنی چەتەکانو داعشی گژیێنێ و جە ٥ یاگێ تازێنە مەرزیێنێرە و ۷۰۰ مەترێ ۋەر-ڕەویشان کەردەن. هاموەخت هێرشو چەتەکانشان ماڕان و ۲ چەتێ کوشیێنێ و فڕۆکەکێ هامپەیمانی میاندەوڵەتی دژ بە داعشی چەتەکێشان بۆردومانێ کەردێێ. جە ئیسەنە جەنگ بەردەۋامیش هەن و شەڕڤانێ مەیڎانو جەنگەکەیەنە زاڵێنێ.
"هه‌جین"
چنڎین جەنگێ سەختێ قۆمینێ و ژمارێۋی فرێ تەرۆریستێ داعشی کوشیێنێ و شەڕڤانەکێمان ۱۰ یاگێ تازێنە مەرزیێنێرە و ٤۰۰ مەترێ لۋێنێ ۋەر. هاموەخت شەڕڤانەکێمان فڕۆکێۋی بێفڕۆکەۋانشان ۋستەنەرە. دما بەدمای ئانەیە داعش هێرشش ئەنجام دان و شەڕڤانەکێمان بەرپەرچشان دانەۋە و بێ زیانێ بیێنێ. فڕۆکە جەنگیەکێ هامپەیمانی بۆردومانو هێرشکارانیشان کەردەن، بەڵام سەبارەت بە زیانەکان زانیاری دروست بەدەست نەۋزیان.
"ئامار"
- ١٨ چه‌تێ کوشیێنێ
- فڕۆکە جەنگیەکێ هامپەیمانی ١٠ یاگێ داعشیشان بۆردومانێ کەردێنێ
- هاوه‌نێۋە دلێنەبریێنە
فڕۆکێۋی بێفڕۆکەۋان ۋزیانەرە
٣ بنكێ داعشی خاپورێ کریێنکەمێ جەی وەڵتەر قەسەدە ئاشکراش کەرد، دەگاو مۆزان-ی نزیكو شارچەو سووسه‌ی دمای جەنگی فرە قورسی ۳ ڕووەی جە داعش ڕزگار کریێنە و شەڕڤانەکێشان پاکسازیشان جە دەگاکێ دەست پنە کەردەن.
