مەجلیس-و سووریای دیموکراتیکی-مەسەدە، جە ۳ مین ساڵیادو ئەرەمەرزنایشەنە بەیاننامەش دان و خەت و کارنامەو خەباتیش جە ٤مین ساڵەنە ۋستەن ڕوو و دلێشەنە ئامان:

"جە ۳مین ساڵیادو ئەرەمەرزنایمانە پایبەندی وێمان بە دڵسۆزی هون-و شەهیدان و ڕێبازەکەیشانەۋە دووپات مەکەرمێنەۋە و دووبارەش مەکەرمێۋە، کە خەبات و کوشایی و مدرامان و جەنگمان پەی ئازادی و ڕزگاری و یەکێتی گەلانو سوریای درێژەش هەن و فراوانتەرش بکەرمێۋە و مافێ یەکسانێشان پەی دەستەبەرێ بکەرمێنە".
 
مەسەدە ئاشکراش کەردەن: "جە سایەو مەسەدەی و هێزەکێ سوریای دیموکراتیکی-قەسەدە، ڕووبەرێ فراوان جە سوریای ڕزگار کریان و ئیسەیچە جە هەجین مدرامان دژ بە داعشی درێژەش هەن. هامکات بە سەرپەرستی مەسەدەی ئەنجومەنە ناوچەیی و وێیەکێ مەرزیێنێرە تا خزمەت بە خەڵکی بکەرانە و ئاساییش و ئارامیشان پەی مسۆگەر بکەرانە و تاڕادێ فرە ئا ئەرکە بەجا ئاوریان و زیاتەریچ پەرەش پنە بدریۆنە".

مەسەدە جەخت مەکەرۆۋە جە، بەردەۋامی-دای بە ڕێبازی ئاشتیانەی وێی و ئەۋەکەردەی دەربازەکان پەی دیالۆگی جە سوریا و یاوای بە چارەسەری ڕیشەیی و هەمیشەیی و ئانێچە بە تاکە ڕاچارە بەنامێ مەکەرۆنە. هاموەخت مەسەدە داۋاکارەن دیمەشق کە پایتەخت-و سوریا-یەن، دیموکراتیزە بکریۆنە و دلێشەنە ژیای ڕاستینە پەی سەرجەم گەلانو سوریای مسۆگەر بکریۆنە و بە چەمداری گلێرگەی میاندەوڵەتی دەسەڵات دەستاودەست بکریۆنە.

جە دمایینە مەجلیس-و سووریای دیموکراتیکی-مەسەدە، بە بۆنەو ۳ مین ساڵەو ئەرەمەرزنایش پیرۆزبایی جە وێشان، گەلێ، پارتێ و ڕێکۋزیێ سوریای مەکەرۆنە و هیواو سەرکەوتەیشان پەی مەوازۆنە. هاموەخت پەشتیوانی جە شەڕوانێ یەپەگە، یەپەژە و قەسەدەی مەکەرۆنە و شانبەشانو هەنتری جەخت جە ئازادکەردەی عەفرینی و بەرکەردەی ڕژێمە داگیرکەرەکەو تورکیای و تاقمە چەتەکانش عەفرین و باکورو سورایا مەکەرۆۋە.