هه‌په‌گه: جه شه‌مزینان و چه‌لێ ٨ سه‌ربازێ توركیای کوشیێ
هه‌په‌گه ئاشكراش کەرد؛ جە شەمزینان و چەڵێ جۆلەمێرگی، جە چالاکی گەریلایەنە ۸ سەربازێ کوشیێنێ و ماشینو کەسێۋی کە جادەسازو دەوڵەتیەن سوچنیان و جە پایزئاوا وانی گورز جە دوژمنی دریان.
دلێگەو یاۋنەری و چاپەمەنی هێزەکاو پارێزنای گەلی-هەپەگە، سەبارەت بە چالاکی گەریلاکاشانە کە جە ناوچەکا پارێزگەکا جۆلەمێرگی و وانی دژ بە دوژمنی داگیرکەری ئەنجامشا دێنێ، بە ۋەڵاکریێۋ ئەی زانیاریێشە دێنێ:
جە میانو دەگاکا "بێگژن و ماوا"ی کە سه‌ر به ناوچه‌و شه‌مزینان-و جۆلەمێرگ-یەنێ، سپا داگیرکەرەکەو تورکیای سەرقاڵەن بە دروسکەردەی ڕا سەربازیێ و کەسێۋی سەرمایەگوزار بەنامێ"بەدەل دەمیر"ی سەرەڕا ئانەیە وریا کریابێ تا هامکاری دوژمنی نەکەرۆنە و ڕاشا پەی درۆسە نەکەرونە، بەڵام دیسان دەسبەردار نەبیەن. پۆکەی جە ۸و ئابی گەریلا چالاکیشا دژ بە ماشینێو نامبریا ئەنجام دان و سوچنانشا.
سەعات ٩:١٥ دەیەقێ سەرسەبای، گەریلا دژ بە سەربازگەو سونێ کە سەر بە شارچەو ڕووبارۆک-و شه‌مزینانیەن چالاکیشا ئەنجام دان و جە ئاکامشەنە ۱ سەرباز کوشیان ۳ تەرێچ زامدارێ بینێ. دمای چالاکیەکەی، دوژمن هەڕەمەکیانە ناوچەکەش تۆپۋاران کەردەن.
هەمان ڕۆچ جە بەرزایی کۆردینەی کە سەر بە چەلێ-ن، گەریلا چالاکی فرە قورسش دژو هێزە داگیرکەرەکا ئەنجام دان و جە ئاکامەنە ۷ سەربازێ کوشیێنێ. دمابەدمای چالاکیەکەی، دوژمن بێسەروبەر ناوچەکەش تۆپۋاران کەردەن.
٨و ئابی جە دەگاو مه‌سكانی کە سه‌ر به ناوچه‌و گه‌ڤه‌ر-یەنە، دوژمن ئۆپەراسیۆنی سەربازیش دەس پنە کەردەبێ، جە ۹ ئابی میانو گەریلای و ئۆپەراسیۆنکارانە جەنگ قۆمیان و ۲ گەریلێ دمای جەنگی قارەمانانەی شەهیدێ بیێنێ، کە دماتەر شناسنامەکێشا ئاشکرا کریانە.
۷و ئابی سەعات ۷و سەرسەبای، جە پایزئاوا وانی، گەریلا گورزی قورش جە زرێپۆشیۋی دان، بەڵام دەربارە و زیانە گیانیەکا سەربازە سەرنشینەکاش زانیاری تەمام بەدەس نەۋزیان. هەر دمای چالاکیەکەی سپاداگیرکەرەکەو تورکیای ئۆپەراسیۆنی مەزنی سەربازیش ئەنجام دان و گەریلا قارەمانانە ڕووبەرووش بێنێ و گورزی قورشا دێنێ ۋنە. بەڵام زیانی گیانی و مادی دوژمنی نەزانیان. هاموەخت ۲ گەریلێ ئەشناسیێ بە "جەمیل و چیاگەر"جە دمای مدرامان و قارەمانی و جەنگی فیدایانە شەهیدێ بیێنێ، کە دماتەر ئەشناسنامەکەشا ئاشکرا کریۆە.
