هه‌په‌گه: جە جۆلەمێرگ ٢٨ سه‌ربازێ تورکیای کوشیێ
هه‌په‌گه ئاشکراش کەرد: جە شه‌مزینان و گه‌ڤه‌ر کە سه‌ر به جۆلەمێرگ-یەنێ گەریلا ۳ چالاکیێش ئەنجام دێنێ و ۲۸ سەربازێ تورکیای کوشیێنێ.
دلێگەو یاۋنەری یەکینەکانو پارێزنای گەلی-هەپەگە، سەبارەت بە چالاکی گەریلاکان و هێرش و بۆردومانو دوژمنی ۋەڵاکریاش دان و ئاشکراش کەردەن:
"شەمزینان"
وێرەگاو ۱۸و ئەیلولی جە دەڤەرو گه‌ردیا-ی سه‌ر به شارۆچەو شه‌مزینانی گەریلا گورزی قورسش جە هێزە داگیرکەرەکانو تورکیای دان و جە چوار لاۋە هێرشش کەردێنێ سەر. جە ئاکامەنە ۲ کابینێ و ۲ ڕەبایێ خاپورێ کریێنێ و لانی کەم ۲۰ سەربازێ کوشیێنێ.
"گەڤەر"
هەمان ڕۆچ جە سنورو ناوچەو گەڤەری ژەنە گەریلاکێ یەژەئا ستاری (یه‌كینه‌كێ ژنێ ئازادێ) چالاکیشان ئەنجام دان و جە ئاکامشەنە ٢ سه‌ربازێ کوشیێنێ. هەر جە هەمان ناوچە گەریلا چالاکیشان ئەنجام دان و چاگێچە ٦ سەربازێ تەرێ کوشیێنێ.
"پلور-دێرسیم"
دمانیمەڕۊ ۱۷و ئەیلولی جە ناوچەو پولور-و دێرسمی سوپا داگیرکەرەکەو تورکی ئۆپەراسیۆنش ئەنجام دان و فڕۆکە جەنگیەکێ جە وێرەگا تا شەۋێ بە بەردەۋامی بۆردومانشان کەردەن. سەرسەبای ۱۸و ئەیلولی بە کۆپتەرێ کوبرێ جەنگیێ دیسان بۆردومانو ناوچەکەیشان کەردەن. دماتەر دوژمن بە کۆپتەرێ سکۆرسکیێ سەربازێش ناوچەکەنە ۋەزنێنێرە. هەمان ڕۆچ ئۆپەراسیۆنکارێ بێ ئەنجام کێشیێنێ.
"هەرێمەکێ پارێزنای مەدیای"
١٩ و ۲۱و ئه‌یلوولی جە ساتەکانو شەۋێ و نیمەڕۊی، فڕۆکە جەنگیەکێ دوژمنی داگیرکەری دێهاتەکێ فلەها و ساجای و دەڤەرەکانو كونشكا و چه‌مچۆ-شان بۆردومان کەردێنێ. بۆردومانەکە زیانی گیانیش نەبیەن، بەڵام زیانی مادی فرەش ڕەز و باخ و ژیۋگەی یاۋنان.
