هه‌په‌گه: جە لێلیكان ٤ سه‌ربازێ تورکیای کوشیێ
هەپەگە ئاشکراش کەرد: جە لێلکان/سیدەکان گەریلا چالاکیش دژ بە دوژمنی ئەنجام دان و جە ئاکامشەنە ٤ سەربازێ داگیرکەرێ کوشیێنێ.
میانگەو یاۋنەری و چاپەمەنی هێزەکێ پارێزنای گەلی-هەپەگە جە ۋەڵاکریێۋی سەربازییەنە سەبارەت بە چالاکی گەریلای جە بەرزایی لێلکانی سەر بە سیدەکان-و پارێزگەو هەولێری و بۆردومان-کەردەی شیلادزێ ئی زانیاریێشە دێنێ:
"سەعات۰۹:۳۰ دەیەقێ سەرسەبای ۰٥/۱۲/۲۰۱۸ی، جە بەرزایی لێلکانی سەر بە سیدەکان-و پارێزگەو هەولێری، گەریلاکێ هەپەگەی و یەکینەکێ ژەنێ ئازادێ-یەژەئاستاری چالاکیشان دژ بە دوژمنی داگیرکەری ئەنجام دان. جە چالاکییەکەنە سەرەڕاو گورزدای جە سیپێ و سەنگەرێ دوژمنی، ٤ سەربازێ کوشیێنێ".
"هەمان ڕۆچ دیسان جە لێلکان، بەڵام جە سەعات ۱۳:٥۰ دەیەقێ دمانیمەڕۆی، جارێتەر گەریلا هورژمش کەردەن سەرو هێزە داگیرکەرەکانو تورکیای و جەئاکامشەنە گورزی قورس جە دوژمنی دریان، بەڵام زیانە گیانیی و مادیەکێش نەزانیێنێ".
"سەعات ۱۳:٥۰ دەیەقێ دمانیمەڕۆو ۰٤/۱۲/۲۰۱۸ی، باڵەپڕە جەنگیەکێ تورکیای، دوروبەرو شارچەو شیلادزێ سەر بە قەزا (شارستان)و زاخۆی-شان بۆردومان کەردەن. جە بۆردومانەکە گەریلا بێ زیانی بییەن، بەڵام زیانی مادیی فرەش بە ڕەزێ و باخێ و لەۋەڕگێ ناوچەکەی یاۋنان".
