هەولێر: کۆچاکلی، ئەندام جە نمایندەیی هەدەپەی بێسەروشۆن کریان
جە هەولێر، محەمەد وەفا کۆچاکلی، ئەندام جە نمایندەیی هەدەپەی دمای ئامادەبیەیش جە ئاساییش، ٥ ڕوێن بێسەروشۆنەن و هیچ زانیاریێ دەربارەش نییەن.
۱و ئایاری، جە شارو هۆلێر (هەولێر)ی محەمەد وەفا کۆچاکلی، ئەندام جە نمایندەیی هەدەپەی دمای ئانەیە بەداۋاکاری فەرمی سەردای ئاساییشی کەردەن، بەهۆکارێ نادیار بێسەروشون کریان و چارەنویسش نادیارەن. دمای ٥ ڕۋا جە بێسەروشۆنبیەکێش، ئاساییش و لایەنە پەوەندیدارەکێ ئامادێ نیەنێ هیچ زانیاریێ دروس دەربارەش بڎانێ.
جەی بارەۋە عابید ئیکە، ئەندام جە نمایندەیی هەدەپەی جە هەولێر بە (ڕۆژنیوز)یش ۋاتەن: محەمەد وەفا کۆچاکلی، جە لۋایش پەی ئاساییشی ئێمەش جە نمایندەیی هەدەپەی ئاگادارێ کەردێنمێ، بەڵام دمای ئانەیە ئێتر هەۋاڵ و سۆراخش نییەن.
ئیکە ماچۆنە: جە ۱و ئایاری تا ئارۆ، چنڎین جارێ سۆراخما جە ئاساییشی و لایەنە پەیوەندیدارەکا و پارتی (پەدەکە) کەردەن، بەڵام ئامادێ نییەنێ هیچ زانیارێ بڎانە و تەنانەت ڕەتشان کەردەنەۋە کە لاشاۋە بۆنە.
عابید ئیکە، ئەندام جە نمایندەیی هەدەپەی جە هەولێر، ئاشکراش کەردەن: جە هەولێر، دهۆک و زاخۆ، ئاساییش فشارش فرەش ۋستەن سەرو ئەنداما هەدەپەی و هاموڵاتیا سەرنیشت(باکور)و کوردستانی.
ئیکە دۋاکارەن، دەسەڵاتدارێ باشوری کۆتایی بە فشارەکا سەریشا باۋەرانە و بە زوویی محەمەد وەفا کۆچاکلی ئازاد بکەرانە.
