جە عەفرین و مارع چالاکییەکێ هێزەکێ ڕزگاری عەفرینی (HRE) دژ بە هێزە ئەرەگێرەکێ تورکیای بەردەۋامێنێ. جەی چوارچێۋەنە هێزەکێ ڕزگاری عەفرینی ۋەڵاکریاش دان و ئی زانیاریێشە دێنێ: 

"جە ۲۰۱۹/۰٥/۳۱ی ۋیەردەی، جە دەگاو جلبری سەر بە ناوچەو شێراوای شەڕڤانەکێشان دژ بە هێزەکێ تورکیای چالاکیشان ئەنجام دان. جە چالاکییەکەنە ۲ سەربازێ کوشیێنێ و ماشینێۋی سەربازی دلێنەبریان".

"جە ۲۰۱۹/۰٦/۰۱ی ۋیەردەی، جە دەگاو تەل مالیدی سەر بە ناوچەو مارعی تاقمە چەتەکێ سەر بە تورکیای کریێن ئامانج و جە ئاکامشەنە ۱ چەتە کوشیان".

جەلایێ تەرەۋە ڕژێمە ئەرەگێرەکەو تورکیای جە دەگاو دەروێشی سەر بە ناوچەو ڕاجۆی دەستش دان درورستکەردەی نیشتگەی پەی هەلیکۆپتەرە جەنگییەکانش. سەرچەمەکێ هەۋاڵی جە ڕاجۆۋە ئاشکراشان کەرد، پەی دروستکەردەی نیشتگەکەی ڕووبەرێ فرە جە زەمین-و هاموڵاتیان دەستش گیریان سەرەرە.

جە بەردەۋامی ئێردای بەرهەمە کشتوکاڵیەکان، جە دەگاکێ جلبری و بانێی سەر بە شێراوای هێزەکێ تورکیای و تاقمە چەتەکێش دەیان دۆنمێ جە خەلە و خەرمان و کاڵگە کشتوکاڵیەکێ هیتیارەکانشان سۆچنێنێ و جە ئاکامشەنە زیانی فرەی ماددیش شۆنیەرە ئومان.

یاگێ بە یاد ئاۋردەیەن کە ئینە جاری یەکەم نییەن کە خەلە و خەرمان سۆچنیۆنە، بەڵکو بە بەردەۋامی هەم جە شێراوا و هەم جە ناوچەکێ عەفرینی و جەزیرەی و فوڕاتی سەر بە ڕۆژئاڤاو کوردستانی هەزاران دۆنمێ جە خەلە و خەرمانی و کاڵگە کشتوکاڵیەکێ هیتیاران بە ئەنقسەت سۆجنیێنێ. هاموەخت ۱٤ هەزارێ جە دارستانێ و جەنگەڵەکێ عەفرینی بە تەمامی سۆچنیێنێ و دلێنەبریێنێ.

هامتەریب چەنی ڕۆژئاڤای، جە مەخموور، کەرکوک، خانەقین و ناوچە ئەرەبڕیێکێ کوردستانی بە هەمان شێۋە هەزاران دۆنمێ جە زەمینە کشتوکاڵیەکان ئێر دریێنێ و سۆچجیێنێ. ئانێچە نیشانەش مدۆنە کە سۆچناکەی جە هەر دووێ بەشێ کوردستانی بە پیلانەی هەماهەنگی-پێکریێ ئەنجام دریان و تورکیا، داعش و عەرەبە ئەرەگێرەکێ نەخشەشان پەی کێشتەن و پێوەرە کەردەییش مەکەرانە.