جە شارو خورماڵی، کە سەر بە پارێزگەو هەڵەبجە-یەن، جە هۆڵو "گوڵ عەمبەری" بەبەشداری جەماۋەری و ئامادەبیەی سمکۆ سالار، ڕاۋەبەرو ناحیەو خورماڵی، پەروێز نیازی ڕاۋەبەرو ڕاۋبەری ڕۆشنۋیری و هونەرو هەڵەبجەی، هەژمارێ شانۆکارێ و هونەردۆستێ ناوچەکەی، ۸ مین ساڵەو ئەرەمەرزنای تیپ-و شانۆو خورماڵی یادش کریاۋە.

سەرەتاو یادەکەی بە ئەۋەکەردەی ئەرمانگەی فۆتۆگرافی دەستش پنە کەرد و دماتەر ۋاچەو خێرئاماکەردەی و چنڎ چالاکیێ شانۆیی و هونەریێ پێشکەشێ کریێ. شۆنیشەرە خەڵات دریا بە ژمارێ جە شانۆکارە ۋەڵینەکانو شاری، کە خزمەتشان بە شانۆ و ئەرمانای هونەری جە ناوچەکە و هەورامانەنە کەردەن. جە کۆتایی یادەکەیەنە، شانۆیی (وانگەو شێتەکان) کە بەرهەمو تیپو شانۆ خورماڵی بیٛ نمایش کریا. بەگردی یادەکە بەگەرمی پێشۋازیش ۋنە کریا و بەشداربیەکێ  سپاس و ستاییشو تیپو شانۆو خورماڵ-یشان کەرد.
 
یاگێ بەیادئاۋردەیەن، کە تیپو شانۆ خورماڵی ۸ هەشت ساڵێن مەرزیانەرە و بە شێوەی ویێسەر و وێبەخشانە خزمەت بە هونەر و شانۆی جە خورماڵ و هەورامانەنە مەکەرۆنە و تا ئیسە چنڎین بەرهەمێ هۆنەریێ و شانۆییش پێکەشێ و نماییشێ کەردێنێ و تیپەکە هۆکارێ بییەن پەی گەشەی ڕۆشنۋیری و فەرهەنگی جە خورماڵ بەتایبەتی و هەورامانەنە بەگردی.