زیلان ڕۆژە، گەریلاو یەژاستاری، جە چوارچێوەو چالاکییەکا بەرزڕاگرتەی ٣٩ەمین ساڵوەگېڵ و هەڵمەتەو ١٥و ئابینە، پۍ ئاژانسو فورات (ANF)ی قسېش کەرڎە.

زیلان ڕۆژە ئەرەیاۋناش، هەڵمەتەو ١٥ و (تەباخ)ی، یۊن جە بەشە گرنگەکا کۊشیای تاریخو کورڎی و ئارۊیچ جە تەرەفو گەلوو کوردسانیۊ پېسە ڕۊو ژیۋایۊ یاڎش کریۊوە. ۋاتیچش: "مبارەک بایی هەڵمەتەو ١٥و ئابی جە گرو گەشمەرڎا ئاخېزی و گەلەکەیما بەتایبەتی ڕابەر ئاپۆی کەرو".

"ژیۋایۊ گەلوو کورڎیا"

ڕۆژە ئاماژەش پانەی کەرڎ، هەڵمەتەو ١٥ و تەباخی ساڵڕۊو به دیئاماو یۊبیەی گەلوو کورڎین و ۋاتش، "هەڵمەتەو شۆڕشگێڵانەو ١٥و تەباخی، کە بە سەرمەشقی هەڤاڵ عەگید (مەحسوم کۆرکماز)ی دەسش پنەکەرڎ، ئا گولۍ کە دهۍ تەقناش، بنەڕەتەکۍ پێکئاماو یۊبیەی گەلوو کورڎی و گەلاش نیارە. هاموەخت ئامانجو ۋەشکەرڎەو یۊبیەی گەلوو کورڎی، گەلوو عەرەبی و گەلا جەهانی بۍ. ١٥و ئابی ژیۋایۊ گەلوو کورڎین. ئێمە ئا وەختیە پېسە سەرجەنۊ ژیۋایۊ کورڎەکا هۊرسەنگنمۍ. ئا کۊشیایەی کە بە سەرمەشقی هەڤاڵ عەگید دەسش پنەکەرڎ، بە بەقوەتی ۋەردەواما. کۊشیای گەلوو کورڎی بیەن بە یانەو جەهانی و جە گرڎ یاگېنە پەرەش ئەسان و ۋەڵابیەنۊ. دوژمن سەرەڕاو گرڎو حۊلەکاش، مەتاۋۊ کۊشیایما ماڕۊ".

ئێمە ئینایمۍ سەرو ڕاو کادرە سەرمەشقەکاما

زیلان ڕۆژە، گەریلاو یەژاستاری ۋیرش ئارڎۊ، کە کۊشیای گەلوو کورڎی بە ئەندێشە و فەلسەفەو ڕابەرو گەلوو کورڎی، عەبدوڵا ئۆجالانی یاۋان پی ئاستیە و ئەرەیاۋناش، "خەباتو گەلەکەیما یاۋان ئاستێوە، کە ئیتر گەلەکەما ڕا بە دوژمنی مەڎۊ نکۆڵی جە زۋانی، کلتووری و نامەکېشا کەرۊ و گەمە بە بەهاکاشا کەرۊ. گەلەکەما بە ئەندێشە و فەلسەفەو ڕابەرەکەیما زیاتەر مدرمانش حېقم تەر کەرۊ، ئێتر گەلەکەما دوژمنش ئشناسان. ئا جەنگەوانۍ هەڵمەتەو ١٥و ئابیشا دەسپنەکەرڎ، هامڕۍ هەڤاڵ عەگیدینۍ، کادرە سەرمەشقەکۍ جمیەرەکەیمانۍ. پی بۊنۊ گەرەکما واچو، ئێمە شۊنکۊتۍ هاڤاڵا عەگید، کەمال پیری و خەیری دورموشی و مەزڵومین مۍ، کە سەرمەشقیشا پۍ پارتی و گەلەکەیما کەرڎ. ئا هەڤاڵۍ سەرمەشقۍ  گەلەکەیمانۍ. نیشانۍ ژیۋایمانۍ. ئێمە ڕێوگارۍ ڕاو ئاڎیشانمۍ، هەڵمەتەو ١٥و ئابی جە گەلەکەیما مبارەک بۊ، بژیۋۊ ڕابەر ئاپۆ، نەمری پۍ گەشمەرڎا ئاخېزی، بژیۋۊ گەلوو کورڎی."

هـ . ش