جە ڤییەناو پایتەختوو نەمساینە، ٨ و ئاداری ڕۆو جەهانیی ژەنا کرێکاری بە چالاکیێوە مبارەک کریا، چالاکییەکە جە تەرەفوو مەجلیسوو ژەنا ئاڤێستایۆ ڕێکوزیا، بە دەیەقێوە ڕێزگێرتەی جە گەشمەرڎا کۊشیای ئازاڎیی دەسش پنە کەرد.

نوێنەرەو مەجلیسوو ژەنا ئاڤێستای جە چالاکییەکەنە قسێش کەردۍ و ٨ و ئاداریش جە تەماموو مرۆڤایەتی و بەتایبەت ڕابەروو گەلوو کوردی عەبدوڵا ئۆجالانی مبارەک کەرد و واتش: "ئارۆ جە کەسایەتی هەڤاڵ ساکینە جانسزێنە گرڎوو هامڕا گەشمەرڎەکاما ویرمارمێوە. قۆناغێوە تاریخی ۋیەرنمۍ، وەزیفەمانە چی قۆناغۍ بیاومێنە و پاسە کۊشیای ئێژاتەر کەرمۍ".

چالاکییەکە بە کڵاموو هۆزان ئاریانای و هەلهەلەی و هۊرپڕای دمایش پنەئاما.