ڕا بە سەرۋنەدای و چارەسەرکەردەی زەینەب جەلالیانۍ نمەڎریۆ
زەینەب جەلالیانە کە ئێرانەنە زینانیە کریێنە، جە مافو سەرۋنەدای بنەیانەکەیش و چارەسەری پزیشکی بێبەشەکریێنە.
ئاژانسوو هەرانای ئەرەیاۋناش زینانیەی سیاسییەو کوردی زەینەب جەلالیانە کە زینانیێوە سیاسیەی ژەنینە و جە گێرتەخانەکا ئێرانینە زینانیەنە، سەرەڕاو نەوەشیەکەیش جە مافو چارەسەری و دیڎاری چنی بنەیانەکەیش بێبەشەکریێنە.
هەرپاسە جەخت مکەرۆوە، وەرپەرسا زینانەکەی ڕا نمەڎا ئەنجامو ئا وشکنایا ئاشکرا بکریا کە وەڵتەر خەسەخانەنە پەی زەینەب جەلالیانۍ ئەنجامدریێنۍ.
هەرپاسە جە سەرەتاو مانگەو ئەیلوولو ئێساڵیوە بە ئەمرەو شالیارو ئیتلاعاتی دیڎارش چنی بنەیانەکەیش قەڎەغە کریان.
جە هەواڵەکەنە ئامان، جە ئاخرو مانگەو حوزەیرانو ئێساڵی جە لایەنو شالیارو ئیتلاعاتیوە فشار وزیان سەرو زەینەب جەلالیانۍ پەی ئانەی پەشیمانی ۋێش بەربڕۆ، بەڵام ئی داوێشە ڕەڎکەردەنۆ.
