جە ٢٥و ئادارو ٢٠٢١ یوە تا ئیساتۍ هیچ زانیاریێوە سەروو ئاژەو ڕابەروو گەلو کوردی عەبدوڵا ئۆجالانی کە ئینا زینڎانوو ئەمنی باڵاو پیتەو (ف) ۍ ئیمرالینە ئینا گۆشەگیریێوە سەختەنە، هۊرنەگیریان. جیا چانەیچ عەبدوڵا ئۆجالان و عومەر خەیری کۆنار، وەیسی ئاکتاش و حامیلی یڵدرم، پەی ماوەو ٦ مانگا تەری چەمپنەکەوتەیشا چنی پارێزنەرا ۋنە قەڎەغە کریان.

بەپاو هەواڵێوە ئاژانسوو میزۆپۆتامیای (MA)، پارێزنەرا نوسینگەو یاسای سەدەی پەی دیڎاری لووێنۍ دادگاو تاوانەکا دووەموو شاروو بورسای و داواکاریشا پێشکەش کەردەن، پارێزنەرا پەیشا بەرکەوتەن کە جە ٣ۍ ئایارینە، موەکیلەکێشا سزاو ٦ مانگا تەری قەڎەغەو چەمپنەکەوتەیشا چنی پارێزنەراشا سەرەرە سەپیان. پارێزنەرا حیچ زانیاریێوەشا سەروو مەڵامەتوو سزاکۍ بەدەس ناردەن.

تەعن جە قەرارەکەو وەڵتەری دریابۍ کە ڕەڎکریابێوە. پارێزنەرا دماو قەراری تازە و قەڎەغەکەردەی تەعن جە دادگای دەستوورینە تۆمارە مکەرا.

یاگۍ ئاماژەینە جە ٣١و تشرینی یووەم و ٢٠٢٣ێنە، ڕابەروو گەلو کوردی عەبدوڵا ئۆجالان، سزاو قەڎەغەو دیڎاریش چنی پارێزنەرا سەرەرە سەپیا بۍ.