ڕاپیمای ٢٥ ڕوە پەی ئازادیی ڕابەروو گەلوو کوردی عەبدوڵا ئۆجالانی، ڕۆو ٩مینە شاروو لیماو فەرەنساینە بەردەواما.

تەماموو ڕاپیمایەکەینە هەزاران وەڵێکریێوێ پەی هۆشیارکەردەیۆ گەلاو دەوروبەری وەڵێ کریێوە، دۆسیێوە سەبارەت بە گۆشەگیریی ڕابەروو گەلوو کوردی عەبدوڵا ئۆجالانی پێشکەشوو دامودەزگاکاو ئا هەرێمەیە کریێ. چی سەروبەندەنە  کرێکاراو ئا مەنتێقا سڵامشا وەنەو ڕاپیمایەکەی کەرد.

بانگەوازوو بەشداربییەی جە کۆبییەیۆ ١٧و  شوباتینە

پەڕلەمانتاری وەڵینوو هەدەپەی نورسەل ئایدۆگانە، کە ڕاپیمایەکەنە بەشدارە بێ واتش: "گۆشەگیریی سەخت کە تاوانێوە ئینسانیەتین، ماوەو ٢٥ ساڵان  سەروو ڕابەروو گەلوو کوردی عەبدوڵا ئۆجالانیوە بەردەواما. هەڵبەتە گەلوو ئێمە ماوەو ٢٥ ساڵان جە مدرامانی بەردەوامنە، ئی ڕاپیمایە بەشێوەن چا مدرامانی، کە پاریسۆ دەس پەنە کەرۆ تا ستراسبۆرگ بەردەوام بۆ، سڵام چی مدرامانی کەروو. ١٧ شوباتی کۆڵننە چەنی ڕاپیمایی "ئازادیی پەی عەبدوڵا ئۆجالان، چارەسەری سیاسی پەی پەرسەو کورد"ی کوێ بیمێوە. داوا وەنەو گردوو دۆس و هامڕایا و گەلی کەروو بەشدارێ با".

ڕاپیمایکارا کە  ٢٥ کەسێ بێنێ، تەماموو ڕاپیمایەکەینە  بە گۆرانیێ و جۆشوخرۆشۆ بەبێ نامبڕ دروشموو ئازادی پەی ڕابەروو گەلوو کوردی عەبدوڵا ئۆجالانیشا واتێوە.

ئا کارتێ کە ڕاپیمایەکەینە کوێ کریێبێنێوە، کیانیێ پەی دورگەو ئیمراڵی، کە ڕابەروو گەلوو کوردی عەبدوڵا ئۆجالانش چەنەن.

حەر ئارۆ ناوەندوو  جڤاکی دیموکراتیکینە سینەڤیزیۆنێوە  نیشانە دریا.

قۆناغوو ڕاپیمایەکەی  سەبای  ڕۆو ١٠هەمینینە شاروو مەلونوو پانیشتوو پاریسینە بەردەوام بۆ.