قۆڵوو 'ڕاپیمای گەورەو ئازادی'ی قەرسی، کە پەی ئازادیی جەسەیی ڕابەروو گەلوو کوردی عەبدوڵا ئۆجالانی و چارەسەرکەردەی کێشە سیاسییەکاو کوردی، دەسش پەنە کەردەن، ڕۆو ٩ەمینە بەردەواما و یاوێ لجەو ئامەدی. چا چوارچوەنە سەرێ قەبرەو جەیلان ئۆنکۆلیێسا دا، کە ساڵەو ٢٠٠٩ دەوڵەتوو تورکی گەشمەردێ کەردێبێ و ئەداو ئۆنکولێ بەشدارەو یادکەردەیوەکەی بێ و هامهەڵوێستیی وێش پەی ڕاپیمەرا ئەوەخوای کەردۆ.

دماو یادەکەی کردنەوەکە پەڕلەمانتارەو دەم پارتی ڤەزیر جۆشکون پارلاکە قسێش کەردێ و واتش: "وەروو سیاسەتوو دڕندانەو دەوڵەتی ساەو ١٩٩٠ چندین کەسێ کوشیێ. دژوو داوای دیموکراتیکێ چندین کەسێ کوشیێ. ئی کۆکوشیێ بە ئیساتێچۆ بەردەوامییشا هەن. ئینە یاگێ قبووڵکەردەی نییا، داوامانە زارۆڵێ بە زوانوو ئەداو وێشا پەرەوەردێ کریا و سەروو خاکوو وێشاوە بەئازادی بژیوا".

پارلاک درێژەو قسەکاشنە ئاماژەش پانەیە دا تا ئازادی ڕابەروو گەلوو کوردی مسۆگەر نەبۆ ئادێ کۆشیاینە بەردەوامێ با، هەرپاسە ئاماژەش پانەیە دا تا کێشەکاو کوردی بە شێوێوە دیموکراتیکانە چارەسەرێ کریا، مشۆم گۆشەگیری مەڕیۆ.