ڕاوێژکارو ئەڵمانیای ئۆلاف شۆڵتز متمانەو پەرلەمانیش بەدەس نا ورد
ۋەرو ئانەی ڕاوێژکارو ئەڵمانیای ئۆلاف شۆڵتز دەنگو متمانە هۆرگێرتەیشۊ جە پەرلەمانەنە بەدەس نارد، وڵاتەکە بەرەو هۊرچنیەی وەڵێوەختەی ملۆ.
جە ئەرەنیشتەو ئارۆو پەرلەمانو فیدراڵی ئەڵمانیاینە دەنگو متمانەپنەدای لواڕاوە. ٢٠٧ پەرلەمانتارۍ پەشتگیری شۆڵتزیشا کەرد، ٣٩٤ پەرلەمانتارۍ دژو متمانەپنەدای دەنگشا دا، هەرپاسە ١١٦ پەرلەمانتارۍ بێلایەنۍ بێنۍ.
ئشیۍ شۆڵتز پەی هۆرگێرتەیۆ متمانەی، ٣٦٧ دەنگێش بەدەس ئاردێنې.
پی جۆرە چەمەڕا مکریۆ شۆڵتز داوا جە سەرۆککۆماری واڵتەر شتاینمایری بکەرۆ، پەرلەمانی هۊرسێونۆوە و هۊرچنیەی وەڵێوەختەو ئەڵمانیای جە ٢٣ ۍ شوباتو ٢٠٢٥ ی بلۆڕاوە.
