بە بۆنەو ٨وو مارسیوە، ڕۆو جیهانیی ژنە زەحمەتکێشاوە، شاروو ئێلحینە جەمۆبییەیێ بی. ژەنی بە جلوبەرگی نەتەوەیی وێشاوە بە سەرمەشقایەتیی جمیەروو ژەنە ئازادا (تەژەئا) پارکوو ژەنانە جەمێ بیێوە.  

سەرەڕاو ئەدایاو ئاشتی، فرەو ژەنەکان نویسایەکاو"با گۆشەگیری لە ئیمرالیینە نەمەنۆ" و "هامسەرۆکایەتیی خەتەی مۆرەو ئێمەنە"، "کوشتەی ژەنا سیاسیین"، "نمەتاوا ڕوەکەیما تاریک کەرا"، "بژیوۆ مدرامانوو ژەنا" دەسێشاوە گێرتەبێ.

حەرپاسە ڕسموو ژەنە کوشیایا ناگیهان ئاکارسەل، ئیپەک ئەر، ڕۆژڤەلات کزماز، دیلان کۆرکماز، گوڵستان دۆکو و ژینا ئەمینییێشا بەرز کەردۆ.

حەرپاسە مەیاسر ئاکداغ ئەندامەو مەجلیسوو ئەدایاو ئاشتی داواو یەکڕیزیش چەنی گەلوو کوردی کەردە و واتش: "ئەدایاو شەممەی ئینێ ئیشکگێریی دادپەروەریینە. پێویسا دەمودەس داواکارییەکێشا ورگێریا. ئەگەر ئێمەی کورد یەکڕیزیی وێما وەش کەرمێ، گردوو بوارەکاو کۆشیاینە سەرکەوتێ بیمێ. یۆگێرەیی گەورەتەرین هێزوو ئێمەن. کەس نمەتاوۆ وەراوەروو کۆشیای گەلوو کوردی مردۆ. هەزار سڵامێ پەی کۆشیای وسەرمەشقایەتیی ژەنا.