بە دەیان هەزار کوردەسانیۍ و دۊسەکێشا پەی بەشداری جە ۋێنیشاندای پاریسی بە مەبەسو شەرمەزارکەردەی کۆمکوژییەکا پاریسی، جە شارەکاو ئەوروپایۆ بە سەرمەشقایەتی تەژەکە-ئەی کۊتۍ ڕا. کوردەسانیا جە سویسرا، نەمسا، ئەڵمانیا و ئیتالیاوە بە پاس و ترۆمبێلی تایبەتی ۋێشاوە رووەشا کەردێنە پاریس.

کوردەسانیا جە گرڎو کانتۆنەکاو سویسرایۆ جە ڕاو دەیان پاساوە کۊتێنۍ ڕا و جە شارو بازلینە یۆشا گێرتەن. چا جەماوەرەکە سەرەمڕە دروشمەکاو ' گەشمەرڎۍ نمەمرا'، ژەنی، ژیۋای، ئازادی' و 'بژیۋۆ سەرۆک ئاپۆ'یشا واتێوە و دەمو گۆرانیا شۆڕشگێڵنیوە زەماونەشا گێڵنا.

بەشدارا ڕاپیماکەی ئاڵا و پۆستەرەکۍ رابەر ئاپۆی و وێنەو گەشمەرڎا کۆمکوژی پاریسیشا بە پاسەکاشاوە هۊرواسان.

واتەواچەو کۆمیتەو گەلی جە رێپرێسویل فادیمە دێرسیمە ئانەش وست ڕووە کە تا ۋنەپەرسایۆ جە کۆمکوژییەکا مکریۆ، ئاڎۍ جە مېڎانەکانە با و پی جۆرە قسێش کەردۍ: "بە هێزی بە ڕێکوستەکریاما ۋنەپەرسایۆ چا کۆمکوژیا مکەرمۍ. گەلەکەما بە رۆحو سەرمەشقا ئەۋەکۊشای ئازادی ژەنا سارۍ و ئەڤینەکاوە کۊتێنۍ ڕا. پەنەوازا دۆڵەتو فەرەنسای جە ۋەرا ۋەرو دۆڵەتو تورکی بکوژینە هەڵوێسش بۆنە و دەست جە پەردەپۆشکەرڎەی دۆسیەکاو کۆمکوژییەکا هۊرگێرۆ".