جەنگو ئێرانی و ئیسرائیلی کە بە هرووژمەکێ ئیسرائیلی دەسش پنەکەرد بەینو ١٣-٢٤و حوزەیرانی کە ١٢ ڕوێ بەردەوام بێ، بە نێوەندگیری ویلایەتە یۆگێرتەکا ئەمریکای (DY) بە ڕێکەوتەی ئێر بەستەی دمایش ئاما.

ئاژانسو هەواڵە ڕەسمییەکا ئێرانی ئەرەیاوناش کە جە ماوەو جەنگوو ١٢ ڕووە و ئێرانی و ئیسرائیلینە ٩٣٥ کەسێ کوشیێ.

هەواڵو ئاژانسەکەینە ئامان: "جەنگو ١٢ ڕووەینە کە ڕژێمو زایۆنیستی جە وەراوەرو وڵاتەکەیمانە دەسش پنەکەرد، تاوەکو ئیسە ٩٣٥ کەسێ کوشیێنێ." هەرپاسە ئاماژەش پانەی کریا جا کوشیایا ١٣٢ی ژەنێ و ٣٨ کەسێ تەرێش زاڕۆڵێنێ.

وەرپرسێ ئیسرائیلی: زیاتەر جە ٣٠ وەرپرسێ سەربازیێ باڵای کوشیێنێ

بە پاو هەواڵێوە ڕۆیتەرزی سەروازێوە ئیسرائیلی جە ئەرەیاونێوەنە ڕۆو جومعەی واتەنش کە زیاتەر جە ٣٠ وەرپرسێ سەروازیێ باڵاو ئێرانی و ١١ زانێ ئەتۆمی پلەباڵای کوشیێنێ.

وەرپرسە ئەمنییەکە ئاماژەش پانەیش دان هرووژمی یوەم زەرەری فرەش بە سیستەمو وەرگری ئاسمانی یاونان و جە سەعاتەکا سەرەتا ئێران توانا و جەنگیش نەمەنەن.

بەرپرسە ئەمنییەکە واتش: "پڕۆژەو ئەتۆمی ئێرانی زەرەری فرەش وەرکەوتەن: تواناو ڕژێمی پەی بەرهەمئاردە و یۆرانیۆمی بە ڕێژەو ٪٩٠ پەی ماوێوە درێژ کەمش کەردەن. هەرپاسە مییانو بەرهەمئاردە و چەکی ئەتۆمی بێکاریگەر کریا."