چالاکوانە و بوارە و مافەکا ژەنا، شیری عەبادیە ئاماژەش بە دۆخو ناهەموارو زینانیا گرتوخانەو ئەوینی کەرد و واتش: "چنی هرووژمەکا ئیسرائیلی پەی سەر و ئێرانی، هێزە ئەمنییەکا ئێرانی زیاتەر سەرکوت و تنوتیژی وەراوەرو زینانیا گرتوخانەو ئەوین مکەرا."
شیرین عەبادیە چالاکوانە و بوارە و مافەکا ژەنا و براوێ خەڵاتو نۆبڵی ئاشتی جە پێگەو ڕەسمی وێش تلیەگرامەنە سەبارەت بە بارودۆخو زینانیا ئەوینی پەیامێوەش وەڵاکەردۆ و ئاماژەش بە خراپتەر بییە و دۆخو زینانیا کەرد
شیرین عەبادیە جە پەیامەکەشەنە واچۆنە: "دما و هرووژمەکە و ئیسرائیلی پەی سەر و زینانو ئەوینی و فاڕایۆ زینانیا پەی زینانێوە تەری، هێزە ئەمنییەکێ ئێرانی دەسشا کەردەن بە سەرکوتکەردەی وەرفراوان و بەكارئاردە و تنوتیژی و سوكایەتیكردەی بە زینانیا سیاسیی."
هور کوای سەر و زینانو ئەوینی
شیرین عەبادیە جە پەیامەکەشەنە ئاماژەش بە فاڕایۆ زینانیا ئەوینی جە دۆخێوە خراپەنە کەردەن و ماچۆنە: "کاتو هرووژمەکە و ئیسرائیلی پەی سەر و زینانو ئەوینی، سەدان هێزێ پاسەوانی تایبەتی هورشا کوا سەر و زینانییەکا و بە تنوتیژی ڕووبەڕوو زینانەکا بیێوە و جە هەلومەرجێوە نا ئینسانیانەنە زینانەکێ پەی زینانو گۆرە و تارانی و زینانەکا تەری فاڕییێوە."
