قسێ ئیسرائیلی جەبارە و دۆخو 'ئاسایبییەیۆ چنی سووریای'
وەزیرو چبەرو ئیسرائیلی جەدعون ساعر سەرنجش وست سەر و ئاسای بییەیۆ بەینو سووریای و وڵاتەکەی و واتش، "ئیسرائیل ئارەزوو فراوانکەردە و بازنەو ئاسایکەردەیۆ و ئاشتی ڕێککەوتنەکا ئیبراهیم نیشان مرۆنە."
جەدعون ساعری وەزیرو چبەر و ئیسرائیلی ڕۆو دووشەممەینە جە کۆنگرێوە ڕۆنامەوانیینە سەرنجش وست سەر و دۆخو پەیوەندی برینو وڵاتەکەی چنی وڵاتا هامسایش و واتش: "ولاتەکەما ئارەزوو نیشاندای ئاسای بییەیۆ پەیوەندییەکا چنی سووریای و لوبنانی جە چوارچێوەو ڕێککەوتننامەو ئیبراهیمینە مکەرۆ."
ساعر واتیشش: "ئیسرائیل پارێزگاری جە بەرژوەندییە سەرەکییە ئەمنییەکا مکەرۆ. بەشداری پنەکەردە و سووریای و لوبنانی هامسایما دلێ بازنەو ئاسای بییەیۆ و ئاشتینە ئینا بەرژوەندیمانە."
