ئەنداماو پەیەدەی ئەورووپانە و شتوتگارتۆ چوارچوەو هەڵمەتەو "ئازادیی پەی ڕابەروو گەلوو کوردی عەبدوڵا ئۆجالانی و چارەسەری سیاسی پەی پەرسەو کوردی" داواو بەشدارییشا پەی ڕاپیمای ناوەندوو شاروو کۆڵنی کەرد و واتشا، "با پەی ئایندەو وەرنیشتی کۆڵننە کوێ بیمێوە"
هەڵمەتەو 'ئازادیی پەی عەبدوڵا ئۆجالانی، چارەسەری سیاسی پەی پەرسەو کوردی' کە ١٠ تشرینوو یوەموو ٢٠٢٣ دەسش پەنە کەرد. چوارچوەو هەڵمەتەکێنە ١٧ شوباتوو ٢٠٢٤ شاروو کۆڵنوو ئەڵمانیاینە ڕاپیماێوە ناوەندی کریۆ.
ئەنداموو پەیەدەی ئەورووپانە دۆرا ئەحمەد، واتش، "ماوەو ٢٥ ساڵان ڕابەروو گەلوو کوردی عەبدوڵا ئۆجالان زیندانوو ئیمرالیینە گیریان، پەوکای داوا وەنەو گەلوو کوردی و دۆسەکاشا کەرمێ و گردوو ئا کەسا کە پەشتیوانێ دیموکراسیینێ کەرمێ، کە ١٧و شوباتینە کۆڵننە کوێ باوە، پەی مسۆگەرکەردەی ژیواێوە ئازادی کوردستاننە و وەرکەوتوو دلێڕاسەینە و پەی بنیاتنیای ژیواێوە دیموکراتیکی و ئازادی، پێویسا ئازادیی جەستەیی ڕابەر ئاپۆی بەدەس بارمێ".
هەرپاسە ئەنداماو پەیەدەو شتوتگارتی دلۆڤان گەدۆ، نەوزاد ئەحمەد، عابیدین ڕەشید، واتشا: "پێویسا ڕاپیمای کۆڵنی، پەی ئازادیی ڕابەروو گەلوو کوردی، بنیاتنەروو ژیوای دیموکراتیکی وەرنیشتنە، گەلوو وەرنیشتی و هامڕایێ جە ١٧ شوباتینە کۆڵنی کوێ بیمێوە".
