کەجەدەکە-ئە بە بۆنەو ١و ئایاریوە ئەرەیاوناێوی نویسیاش وەڵا کەردۆ و واتش: "بەیدێ ١و ئایاری بکەرمێن بە مەیدانو کۆشیای یۆگێرتەو گەلا".

کەجەدەکە-ئە مواچۆ دیکتاتۆر ئەردۆگان بە نیازو کۆکوشیین کوردستانەنە،: "دژو مۆدێرنیتەی سەرمایەداری کە گەرەکشا جەنگ بخوڵقنۆ، بەیدێ ١و ئایاری بکەرمێ بە مەیدانو کۆشیای یۆگێرتەو گەلا.

١و ئایارینە بانگەواز وەنەو گردو گەلا مکەرمێ، دژو هجوومە ئەرەگیرکارییەکاو دەوڵەتو تورکی پەی سەرو کوردستانی پەی ئاشتی و دیموکراسی بە درووشمو "نا پەی جەنگی" یۆی گێردێ ".

هەرپاسە کەجەدەکە-ئە بانگەواز وەنەو کرێکارا و بندەسا و گەنجا و ژەنا مکەرۆ دژو فشاری و ئەرەگیرکاری و جەنگی درێژە بە کۆشیای بدانێ.

کەجەدەکە-ئە ئەرەمیاونۆش ڕزگاربییەی ئینسانی پێوەسا بە کۆشیای ژەناوە و ماچۆ: "پارادایمو جڤاکی دیموکراتیک و ئیکۆلۆژیکی و ئازادیی ژەنان، تاکە ڕاو ڕزگاریی ئینسانین".

هەرپاسە تیشکە وزیێنە سەرو قسەکاو  ڕابەرو گەلو کوردی عەبدوڵا ئۆجالانی، جە ١و ئایارو ٢٠١٤، وەختێو باس چانەیە مکەرۆ وەرکەوتو دلێراسەینە جەنگی یەرەمو جیهانی مقۆمیۆ و کوردستان چەقو جەنگەکەین و ماچۆ: "تەڤگەرو ئازادیی پەی گردو گەلاو ئی جوگرافیایە سەرمەشقا. پێویسا گردو گەلە بندەساو ئی جوگرافیایە، دژو هێزە هەژموونگەراکا هەرمانە و وەرپەرسییشا بیاونا یاگێ".

کەجەدەکە-ئە بانگەواز مکەرۆ: "بە بۆنەو ١و ئایاریوە بانگەواز وەنەو گردو گەلا مکەرمێ پەی ئاشتی و دیموکراسی دژو هجوومی ئەرەگیرکاریی دەوڵەتو تورکی پەی سەرو کوردستانی، بە درووشمو "نا پەی جەنگی " یۆی گێردێ".

داوا مکەرۆ دژو ئەردۆگانی دیکتاتۆری، کە بە نیازو کۆکوشین کوردستاننە، ١و ئایاری بکریۆ مەیدانو کۆشیای یۆگێرتەو گەلا.

ئاخرۆ مواچۆ: "هومێدما هەن ١و ئایارینە مەیدانەکانە پەی ئازادیی ڕابەر ئاپۆی سەفەربەرێ بیمێ و درووشمەکاما بەرز بکەرمێوە".