"هامڕێوە قاچش سەروو تەلەکەیۊ نیارە و دماو ئانەیە شۊنەو یۊیرە ئەڵغامەکۍ تەقێوە، چەمێم پەی نەکریێنێوە. وەختۍ دەسم دا چەمامۊ دەسێم فیسیۍ و چەمێمم پەی نەکریێوە. وەختێوە ئامانۍ هۊشوو وێم خەسەخانەنە بێنا، ٤٠ ڕوێش ملەرە لوابۍ، هەردووی چەمێمم جەدەس دێبێنێ".
بارینە کۊبانێنە جە کۊکوشیی بەرخبۊتانینە لوا دەموو خەڵکیوە، بارینە کۊبانێنە پێسە قەڵاو مدرامانی نامۍ وێش تاریخەنە نویستۊ. درێژەش بە کۊشیای دا. ٤٠ ڕوۍ چەنی مەرڎەی پەنجێش پێکۍ و هەردووی چەمێش کۊرۍ بیۍ.
بارینە کە جە ناو بنەیانێوە وەڵاتپارێزنەنە پەیدۍ بیێبۍ، وەڵۍ شۊڕشینە سەیەو ئەدێشۊ کۊشیای ئازاڎیی کوردییش ئشناسابۍ. ئەداش شایەتحاڵێوە ئا کۊشیاینە کە ڕابەروو گەلوو کوردی عەبدوڵا ئۊجالان ٢٠ ساڵۍ سوریانە کەردش و لوبناننە عەبدوڵا ئۊجالانش ئشناسا. بارینە بە گۊشگێرتەی جە ڕازەکاو کۊشیای گەورۍ بییە. ساڵەو ٢٠١٤ بەشڎارییش جە شۊڕشوو وەرنیشتینە کەرد. چا قۊناغەنە پەی پاککەرڎەیۊ دەگایەکاو کۊبانۍ و دەوروبەریش هەڵمەتەکاو گەشمەرڎە گەلهاتینە و هەرێموو جزیرەیچنە هەڵمەتەو گەشمەرڎە ڕووباری لوێنۍ ڕاوە.
پێسە هێزوو پەشتیوانی ملۊ قەڵاو مدرامانی
ئا وەختە هەواڵوو ئازاڎببییەی گرۍ سپی وەڵا کریاوە، بارینە جە یوەم شۊنەو خەباتیشنە بۍ. بارینە پێسە باسوو ئا قۊناغەیە کەرۊ: "هەوەڵ جار بۍ و ڕیزەکاو وەڵێنە بەشڎارە بوو، چەنی ئا دڵوەشییەیمە هەواڵێوە تەری وەش ئاما،کە گرۍ سپی ئازاڎ کریان. ئیتر بەینوو کۊبانۍ و هەرێموو جزیرەینە هیچ وەربەس و ڕاگێریێوە نەمەنەبۍ. هێزەکاو یەپەگەی و یەپەژەی کە هەردووە کانتۊنەکەنە بێنۍ یاوێوە بە یۊی، مەراسیمێوە تایبەتنە مەبارەکبایی ساز کریا و بەکارەوان پێسە هێزوو پەشتیوانی لوێنمۍ کۊبانۍ. دماو ئانەی کۊبانۍ ئازاڎ کریا، گرڎکەس وازۍ کۊبانێی ئازاڎکریا بە چەماو وێش بوینۊ. گرڎلایۍ و تەنانەت ئێمەیچ حەز کەرێنمی بزانمۍ ئا شارە گولانە چەنی بییەن بە شایەتوو مدرامانێوە ئاندە گەورەی و ماناداری. ئێمەیچ بەشێوە بێنمۍ چا مدرامانەیە، وەلۍ گەرەکما بۍ جارێوە تەر بە چەماو وێما بوینمێش.
کۊبانۍ ئیتر یاگێوە مەبارەکە بێ
کۊبانۍ ئیتر یاگێوە مەبارەکە بۍ، کە بە ونەو گەشمەرڎا ئاوی دریێبۍ، چا جۊشوخرۊشنە نەزاناما چەنی یاوایمۍ کۊبانۍ. گەشتەکەما پەی کۊبانۍ دماو ٥ سەعاتا دماییش ئاما. ئەوەڵ گەڕەک کە لوایمۍ گەڕەکەو ٤٨ەکا بۍ. گەڕەکێوە بۍ کە یانەکێش وڕیێبێنۍ. بووەو بارووتیش چۊوە ئۍ و بە ونەو گەشمەرڎا ئاوی دریێبۍ. تەجروبەو جەنگیم فرە کەم بۍ. پەوکای ڕوانەو تابوورێوە پرۊفیشناڵی کریانۍ تا شارەزا بوو، گۊسم پەی سەرئامای و ژیوای و مۊچیاریی هامڕایا گێرت. وەختێوە بەشڎاریی چالاکی کەرێنا، هەوڵۍ دێنا ئانی کە فێرە بیێبێنا کەرووشا. دایمەیچ سەنگەرۍ پتەوۍ وەشۍ کەرێنمۍ، لاێوە بۊنە و جەنگیوە و لاۍ تەرۊ بۊنەو وەشکەرڎەی سەنگەرە قایماوە، گرڎما فرە مانیێنمۍ. فرەو جارا پەی حەفتێوەێچ چەمێما وەرم نەوینێنۍ وێشاوە. ڕێک دۊخێوە چانەنە چەتەکۍ پەلاماریشا دایمۍ."
جە کۊکوشییەکەنە ملۊ دەموو خەڵکیوە
٢٥ حوزەیرانی ڕوۍ گەرموو هامنی بۍ. ینبوو. هەوا ئنڎە گەرم بۍ، کە نەزانێنمی چکۊنە وێما شارمێوە.دلۍ ئا گەرماینە فەرماندەکەما ئاما و واتش، 'چەتەکۍ ئامێنۍ کۊبانۍ و کۊکوشی..' دماو ئا قسا ئیتر گەرماکەما فکر شیۊ و وەروو ئانەی هامڕۍ واتشا چەتەکۍ لوێنۍ دەگاو بەرخبۊتانی، دەمودەس لوایمۍ دلۍ دەگێکۍ. وەختۍ یاوایمۍ دەگێکۍ هەڵای بڕۍ گرووپۍ چەتەکا چا مەنێبێنۍ. چەتەکۍ بێبەزەییانە بۍ ئانەیە دەس جە زارۊڵا و ژەنا بپارێزنا گولـلەوارن کەرێنۍ، وەختۍ یاوایمۍ دەگانشینەکۍ چەمەڕوانێما بێنۍ.
چەتەکۍ جلوبەرگوو یەپەگەی و ئاسایشیشا کەرڎەبێنە وخەڵکوو دەگێکۍ ئجیابێشا ئانە هامڕێنۍ، پەوکای بەرەو یانەکاشا پەی کەرڎێبێنێوە، بەگەرمی خێرامایشا کەرڎێبێنۍ، وەلۍ چەتەکۍ کە تەژنەو ونۍ بێنۍ دلۍ یانەکانە کۊکوشیۍ فرەشا کەرڎەبۍ.
گرڎوو چەتەکا دلێنە بریێ
دەگێکێنە بێنمۍ، خەڵکەکە شۊنەو چەتەکاشا نیشانە دایمۍ، بە هامکاریی دەگانشینەکا گرڎوو چەتەکاما دلێنە بەرڎۍ. کۊکوشییەکەو دەگاو بەرخبۊتانینە ٢٣٣ مەدەنیۍ گەشمەرڎۍ و لاو کەمیوە ٢٧٣ کەسۍ بریندارۍ بیۍ.
دوای ئا کۊکوشییە هەڵای زەخموو گەلەکەیما پەترۊکش نەبەستەبۍ، زەخمێوەتەر درووس بی. بڕۍ بنەیانۍ ڕۊڵەکێشا کیانێبێنۍ دلۍ مدرامانوو کۊبانۍ و چا کۊکوشییەچنە کیانێبێنێشا دلۍ شۊڕشوو وەرنیشتی. وەروو ئانەیە ڕۊڵۍ ئا خەڵکەینمۍ باسوو ئێشی و هەرپاسە دڵوەشیی ئەدا و تاتا کەرمۍ و یاومێنە. چەنی خەڵکی ئاویر وەر بۍ دڵوو ئێمەیچ، وەختوو وێشنە خەڵکما نەپارێزنا. ڕەخنەکەردی وەراوەروو کۊکوشیی بەرخبۊتانی بە ئامایدیی وەرموو ئازاڎیی گەلوو کۊبانۍ دەسەبەر بی.
٤٠ ڕوۍ جەنگوو مەنەی و نەمەنەیش کەرد
پڕۊسەو ئازاڎکەرڎەی سرینی بەرڎەوام بۍ و منیچ تیایدا بەشڎارە بێنا. هەنگام بە هەنگام لوێنمۍ وەرۊ. دوژمن پەی ڕاگێرتەی چەنەما و گێڵایۊ وەختی پەیش، گرڎ شێواز و تاکتیکێوە تاقی کەرێوە. بەتایبەتی ئەڵغامێوە فرێش نیێرە. ئا یاگۍ چەنەش مەنێنمێوە پەڕبۍ ئەوەمەنەو ئەڵغاما. .
ڕۊ دماو ڕۊی خاستەر لوێنمۍ وەرۊ، هەنگامەکاما بە وریایی و سەرووێوە نیێنمۍ، چوارڎەورما بە ئەڵغامۍ گیریابۍ. وەختۍ یۊ بەیۊو ئەڵغامەکا ویەرنێنا یۊشا وەرڎەممنە سەرنجەش کێشتا. وەختۍ جیام ئاست تەلێوە باریکم دی جە ڕەنگەو خۊڵەکۍ بۍ. لام کەرڎۊ تا هامڕایەکام هاگادارۍ کەرووە. هامڕێوە پاش نیا پۊرەو شۊنەو یۊیرە ئەڵغامەکۍ تەقێوە. چەمێم نەکریێوە و وەختۍ دەسم دا چەمامۊ دەسێم فیسیۍ و وەختۍ هۊشم ئاماوە وێمرە خەسەخانەنە بێنا و ٤٠ ڕوۍ ویەرڎەبۍ من هەردویی چەمێم کۊرۍ بیێبێنۍ و دماو تەقایۊکەی ئا خوڵ و تۊزە کە ورئێست ئیتر تاریکییش کێشت ملوو چەمەکامرە. ".
س.ز
