به‌لجیكانە یاڎو گەشمەرڎا ۋەرکەوتی کریاۋە
شارو برۆكسلو پایته‌ختو به‌لجیكاینە، جە كه‌سایه‌تی گەشمەرڎە دلێر رۆزگه‌ردینە، مه‌راسیمێۋە یاڎکەرڎەیۊ پۍ گەشمەرڎا ۋەرکەوتی سازكریا.
به سەرمەشقی ڕێكوزیا و خانەواڎەو گەشمەرڎا، جە شارو برۆكسلو پایته‌ختو به‌لجیكاینە، جە كه‌سایه‌تی گەشمەرڎە دلێر رۆزگه‌ردینە، مه‌راسیمێۋە یاڎکەرڎەیۊ پۍ گەشمەرڎا ۋەرکەوتی لۋاڕاوە.
دماو دەیەقېۋە ڕێزگرتەی جە گەشمەرڎا ئازاڎیی کورڎسانی، حه‌ریۊ جە محه‌مه‌ڎ پێنجوێنی، سیاسه‌ڎمه‌دارو كورڎی، ڕه‌مزی كارتال، هامسه‌رۆكو كونگره‌و گه‌لی، سیامه‌ند موعینی، هامسه‌رۆكو پارتو ژیای ئازاڎیی کورڎسان (په‌ژاك)ی، جمیەرو ژەنا كورڎی و نوێنه‌رۍ ڕێكوزیاو خانەواڎەو گەشمەرڎا جە بارەو ژیای و کۊشیای گەشمەرڎاوە قسېشا کەرڎۍ.
جە قسەکانە جەخت سەرو ئانەی کریاۋە، كه گەشمەرڎۍ بیۍ بە ڕەمزو مدرامانی و ئەرەیاۋیا، ڕاسی گەشمەرڎەبیەو ئا هه‌ڤاڵا، نیشانۍ یۊبیەی گه‌لوو كورڎین.
حەرپاسە جە قسەکانە بانگه‌واز پۍ به‌شڎاریكەرڎەی جە ڕاپیمای جه‌ماوه‌ری ٢٢ۍ ته‌مووزینە كریا، كه بۊنەو ١٠٠ ەمین ساڵڕۆو په‌یماننامه‌و لۆزانیۊ جە شارو لۆزانو سویسراینە ملۊڕاۋە.
جە دما دمایی مەراسیمەکەیچەنە، خانەواڎەکۍ ئا شیعرېشا ۋەنېۋە، كه پۍ ڕۆڵه‌كاشا نۋېستېبێنېشا. مه‌راسیمه‌كه به ۋاتەیۊ دروشمه‌كا " گەشمەردۍ مەمرا"، "بژیۋۊ سه‌رۆك ئاپۆ" دمایش پنەئاما.
هـ . ش
