بە پاو هەواڵێوە تۆڕەو مافەکا مرۆڤوو کوردسانی، سەر سەعب و ڕۊو دووەشەممەی هەژار مەحمودی ڕاوەبەروو پەڕەو "شنۆیەکەم"ی جە ئینستاگرامەنە چنی چوار جە هامکاراش چا پەڕەنە بە نامەکا دڵشاد شاداب، باست قادرزادە، زاهیر حاجی پوور و سەمیع مەحمودی گیریۍ.

ئانەیچ وزیان ڕووە کە گێرتەی ئا پەنج کەسەیە پەیوەندیش بە مەراسیمەکاو نەورۆزیوە هەن و دماو گێرتەی ئا کەسا، پەڕەکەیچشا جە تۆڕە کۆمەڵایەتییەکانە مردان.

وەڵتەریچ هەر جە شاروو شنۆینە چنڎین کەسۍ تەرۍ بەهەمان مەڵامەت گیریێبێنۍ.

جە نەورۆزۆ تا ئیساتۍ لاوکەمیۆ ٤٣ چالاکۍ، هونەرمەنڎۍ و هاموڵاتیۍ کوردی بەمەڵامەتوو بەشداری و رێکوستەی مەراسیمەکا نەورۆزی جە پارێزگاکاو ورمێ، سنە، کرماشانی و ئیلامی گیریێنۍ.