یۆ جە فەرماندەکا هێزەکا وەرگری ڤیان سۆرانە باسش چانەیەکەرد کە هرووژمەکێ دۆڵەتو تورکی و چەتەکاشا پوچەڵۍ کەردێنێوە و ئانەیچش وست ڕووە، پەی پارێزناو بەنداوو تشرینی تاکتیکی تازەشا بەکارئاردەن.
گروپە چەتەکێ سەر بە دۆڵەتو تورکی پەی ئانەی تاوانە بەنداوو تشرینی بەدەسبارانە، بێ مردای هرووژمێ مکەرا. چەتەکێ کە پەشتی بە دۆڵەتو تورکی بینانە، دووێ روێ چێوەڵی جە دەگاکا قژلێ و خربێت زمالاوە هرووژمشا کەرد سەرو بەنداو تشرینی، بەڵام جەنگاوەرێ ئەنجومەنو سەروازی منبجی، یەپەژە و قەسەدە وەربەرچو هرووژمەکاشا داوە. مڏرامان جە تشرین و قەرەقۆزاقەنە ١٣ ڕوێن سەرەمڕە بەردەواما. جەنگاوانەکێما بە پاگیری فرەوە جە دژو هرووژمەکا ئەرەکۆشانە.
یۆ جە فەرماندەکا ئا هێزەیە پارێزگاری جە بەنداو تشرینی مکەرۆ، ڤیان سۆرانە ئانەش وست ڕووە کە بە تاکتیکی تازە هەنگامێ چەتەکا پوچەڵێ کەراوە و سەبارەت بە دۆخو هێزەکا وەرگری ئی زانیاریێشە درکنۍ: "چەتەکێ دۆڵەتو تورکی، جە دووێ قۆڵێوە هرووژمشا کەرد. هرووژمێ دژوارێ ئەنجام مڎانە، بەڵام مەتاوا پێشڕەوی بکەرا. وەرو ئانەی چەتەکێ دەسەوەسان و پەرێشانێ بیێنێ، وەرو ئانەی جە تشرینەنە مڏرامانی تاریخی مکریۆنە. ئێمە پێرێ جوابێوە قەوەتما دێوە. بە قورستەرین چەکەکا هرووژم مکەرا، بەڵام ئێمە بە تاکتیکی تازە وەرپەرچو هرووژمەکا ئەرەگیرا مڎەیمێ.
ئێمە بە ڕۆشنی نیشانەمادا کە بە چ جۆرێ ئێمە وەرپەرچو هرووژمەکا چەتەکا سەر بە دۆڵەتو تورکی ئەرەگیری مڎەیمۍ. حیچ هرووژمێ پەی سەرو گەلەکەیما دەسکەوتەکا شۆڕشێ قەبوڵ نمەکەرمۍ. ئێمە خاس مزانمێنە کە بە تاکتیکی تازە چنین جواب بڎەیمێوە بە هرووژمەکا دوژمنی. 'ئێمە بەنداوەکەما کۆنترۆڵ کەرد' کە جەلایەنو دۆڵەتو تورکیۆ پڕوپاگەندەش پەی مکریۆ بە تەمامەی دوورا جە حەقیقەتی ئێمە جە بەنداو تشرینی بە رۆحو مڏرامانی درێژە بە ئەرەکۆشای مڎەیمێ".
