بۆنەو ڕووەماڵکەردەی هجوومەکاو دەوڵەتی ئەرەگیرکەروو تورکیوە، ئامێدیینە پەدەکە یەرێ ئەندامێ تیموو ڕۆنامەوانیی کەناڵ ٨ـیش گێرتێ، حەر بەپاو ئەو زانیارییا هەڵای ئا ڕۆنامەنویسێ ئینێ ئاسایشی گردینوو دهۆکینە و ئازیێنیوە.
ئارۆ پەدەکە وەختوو ڕووەماڵکەردەی هجوومەکاو ئەرەگیرکاریی تورکینە ئامێدیینە، یەرێ ئەندامێ تیموو کەناڵ ٨ـیش گێرتێ.
بەپاو زانیارییەکا، بۆنەو ڕووەماڵکەردەی هجوومەکاو دەوڵەتی ئەرەگیرکەروو تورکیوە ئامێدیینە پەدەکە یەرێ ئەندامێ تیموو ڕۆنامەوانیی کەناڵ ٨ـیش بە نامەکاو نژیار محەمەد(پەیامکیان)، بەهێز ئاکرێی (کامێرەوان) و هاوار یوسف (شۆفێر) گێرتێ.
تا ئیساتێ لایەنە پەیوەندیدارەکێ هیچ ڕۆشنۆکەردەێوەشا سەبارەت بە گێرتەی ئا ڕۆنامەنویسا نەدان، بەڵام بەپاو زانیارییەکا، ڕۆنامەنویسەکێ ئاسایشی گردینوو دهۆکینە گیریێنێ.
یاگێ ئاماژەینە، جەچند ڕۆی ویەردەنە بڕێو ڕۆنامەنویسێ شارەکڵەو ئامێدیینە وەختوو ڕووەماڵکەردەی هجوومەکاو سوپای ئەرەگیرکەرەو تورکینە هێزەکاو پەدەکەی گێرتێ و دماو چند سەعاتێوی ئازادێ کریێ.
