وەزارەتو بەرو بەریتانیای بەیاننامېوەش ۋەڵاکەرڎۊ و کۆکوژیی ٣ۍ ئابو ٢٠١٤ و ئێزدییەکاش پېسە جینۆسایدی  بە ڕەسمی ئشناسا.

تاریق ئەحمەڎ، وەزیرو دلېینەو عێراقی ئەرەیاۋناش، "٩ ساڵۍ چېوەڵتەر گەلوو ئێزدی بە دەسو داعشی ئېشۍ فرەشا چەشت، تا ئیسەیچ کاریگەرییەکۍ ئی تاوانۍ ۋەردەوامېنۍ".

نامبریا ئاماژەش پانەیچ کەرڎەن، "داڎپەروەری و ۋنەپەرسایۊ فرە گرنگا پۍ ئا کەسا ژیایشا  جە ۋەرو یۊی هۊرشېۋیانۊ".

ئەحمەڎ ئەرەیاۋناش، کە ئی بە ڕەسمی شناسایە 'تاریخیا' پابەنڎبیەی بەریتانیای بە ' هۊرگېرتەی قوربانییەکا پۍ تەعویزکەرڎەیۊ و ۋېیاۋنای بە ۋنەقۊمیایا داڎپەروەریېوە ماناڎار' بەقوەتتەر کەرۊ.

بەریتانیا تا ئیسە ڕوەدایەکۍ پەنج مەنتیقاش بە جینۆساید ئشناسېنۍ. ۋەڵتەر ڕووەداکۍ کۆکوژی جە بوسنە، ڕواندا، سێربرێنیتسا و کەمبۆجیایش  بە جینۆساید ئشناسېبێنۍ.

ۋەڵۍ قەرارەکەو شانشینو یۊگېرتەی بەریتانیاینە، داڎگاو فیدراڵی ئەڵمانیای جە ١٧و ژانویە و ٢٠٢٣ېنە ئەنڎامێوە ۋەڵین و داعشیش بە تاوانەو هجومی و کۆکوژیی شەنگالی و تاوانەکا دژ بە مرۆڤایەتی سزا دا.

تاوانەکۍ دژبە ئێزدییەکا پۍ یۋەمجاری جە ٣٠ی تشرینو دووەمو ٢٠٢١ ی جە لایەنو داڎگاو ئەڵمانیایۊ بە 'جینۆساید' ئشناسیا. دماتەر  جە لایەنو فرەو پەرلەمان و ئەرەمەرزیا میان نەتەوەییەکاوە بە جینۆساید ئشناسیا. پەرلەمانو ئەڵمانیای جە مانگەو کانوونو دووەمینە کۆکوژی ئێزدییەکاش پېسە جینۆسایدی ئشناسا.

هـ . ش